Тексты
Вернуться к списку | редактировать | удалить | Создать новый | История изменений | Статистика | ? Помощь
Mačči
Mačči
карельский: людиковское наречие
Южнолюдиковский (святозерский)
– Тu kedä
oli Mačis perehte sigä ?
Mačiz ej olnu suuri pereh .
Mačiz oli kačo se , Mačin net sizär üks oli , kirguttih Makalaižekse se dak , häm mäni miehele sih Pešam Miššah , omah küläh .
Nu a Mačči se oli nainu Lidžmil , vot kirguttih Savaks da S’topanuoikse da nečikse ...Vasil’d’ouna oli otettu Lidžmil .
Nu üks poig oli , eig olnu tütärtte eigo keda , kedä .
Van’a , Mačim Van’a , muud enämbi ni kedä ei olnu ni vous’o .
Mačim Van’a .
Nu , a siid Van’a se naitettih .
Ainuoi poige da bohatte da kai da .
Zavodittih elädä da sidä tošte pengottih neidižit : ”Tämä ei pid ottai , tuada ei pid ottai ”.
Siit käveli , käveli naimah , siid viedih granicaile naimah , Ignuoilah neččinä .
Siit hai sigä Ignuoilah nai , nu da siit Palouna se tuli da siid d’o kačo heil rodiiheze pereh da eläškättih d’o siit .
Mačči se kuoli .
Vasil’d’ouna hengiz oli .
Siid vie heit roskulačittih .
Paulounale d’o rodiiheze tütärtte da poigat : i n’el’l’ tütärtt oli , kaks poigad oli .
Nu a siit kačo ken kunnagi poigat .
Man’a on hengis , Nas’t’a on hengis ...oi , Man’a on , Man’a kuoli , Timuoin Danilan poigale miehele mäni kuoli , Čupaz elettih .
A An’n’ eläu entiä kus sigä-tuaga Murmanskuois čuras , entiä kuz eläu emvoi sanoda .
A Nas’t’a eläu Priäžäs , Šan’a kuoli .
Vas’a tožo , entiä kus lähti sigä heit piästettih L’eningrackuoil eläu čuras nai , se nuorim poige .
A Paulouna se kuoli , sinnä akuvaciih kuoli .
Nu , a Van’a kuoli Priäžäh .
Sih heiden kai prikol’enii lopiheze d’o .
Mačči
карельский: людиковское наречие
Южнолюдиковский (святозерский)
Маччи
русский
[