Тексты
Вернуться к списку | редактировать | удалить | Создать новый | История изменений | Статистика | ? Помощь
Kui diedo oli karaulas
Kui diedo oli karaulas
карельский: людиковское наречие
Южнолюдиковский (святозерский)
– Kuga diedo
sigä podvoduois ?
A diedo , hätken oli nedälit kuuz oli .
D’o dorog lopiiheze , siit hebon sigä häi müöi , siid meččäd müöti tuli kodih .
Piä kerittü , barde briedittü , muga sigä häi n’erničaičči da siid bol’n’ičuoiz da kai .
Da siit tuli kodih , ende neččidä , dorogan avai meččäd müöti .
– A häi kuzbo oli podvoduois sigä ?
Häi krasn’armeičuoil podvodas Petrouskuoil .
Kous krasn’ärmeičat rubettih ostupat’ Priäžäz iäre beeluoi se tulou , a siit heid hebuoiden ker sinnä otettih podvodah , Priäžäh .
Viiš hebod oli .
Da siid vie toin oli Turun nene da Troškovad da nu äj oli , nu viiž ižändät oli .
Kai hebod müödih , da hüö meččäd müöti kodih tul’d’ihgi .
– Nu a kuibo sigä häi karaulas , pandih vai ei pandu , midä häi ?
D’älgele kouz tuli häi kodih , karavulah pandih sinnä häi .
Siit häntte tüöttih karavulah , vie omale sinnä kujoh meiz oli d’uamaspiäi vie , kudai oli se Anuksen dorok ka kilometrit küläh .
Siit häntte tüöttih sinne karavuulah , nu , piälikkö sanou ka : ”Sinä , sanou , Ivan Trofimič pane , sanou , oruš , sanou , aidale da iče vai kävele nečis da viru libo mida tahto päi .
Pidäu karavulida ”.
Nu , häi sigä oružan sen panou neččin aidale i iče kävel’öu kujon siit , tiettegez dorok kunna küläh lähtöu .
Ajau belogvardeiskuoi aficer (tožo häi saneli d’älgele ), tuli : ” Ka sinä , sanou , starikke midä , sanou , täz ruadad ?”
- ”Ka minä , sanou , karavulin ”.
- ”Midäbo , sanou , karavulit ?”
- ”A minä , sanou , mille sanuoi piälikkö karavuli täs sanou , eigo kedä proidi libo midä sanou .
Pane orus , sanou , neččih aidale sii sanov vai kuri , sanou , da viru , sanou , nečiz da ole ”.
- ”Ei , sanou , muga starikka pidä sanou karavuulida .
Pidäu , sanou , ottai kiveri kädeh , sanou , da kävüdä tuana tännä da kai ”.
- ”Minä , sanou , tiedä ni midä en .
Mille kui piälikkö sanuoi , minä muga ruadan , sanou .
Minä sanou emvoi sinut kuulta sanou , što sinä käsket tuana kävele da tänne kävele .
Minä sanou olen vahne ”.
Otti sanou da sülgi mill edeh da sanou lähti edelleh pogostale ajamah .
Kui diedo oli karaulas
карельский: людиковское наречие
Южнолюдиковский (святозерский)