Тексты
Вернуться к списку | редактировать | удалить | Создать новый | История изменений | Статистика | ? Помощь
Priäžäs maidod vaihtamas
Priäžäs maidod vaihtamas
карельский: людиковское наречие
Южнолюдиковский (святозерский)
Nu
siit meile , d’uame se lopiimme , dai kai tulemme kodih .
Tulemme kodih - kai akat sinnä kävütäh maidod müömäh da d’äiččäd da kai sigä , suomelažil andetah Priäžäs .
Priäžäshäi oli se heil glaunuoi štaabe , sigä ol’d’ih kai glaunuoi voiske heil Priäžäz oli , a pogostal vähä .
Nu siit , kai kävütah minulle sanou muatuška : ”Ka mänižit n’eveske sinä , hot’ sanou maidod viežit libo d’äiččät , tuožit midätahto kai kävütäh sanou ”.
Minä sanon : ”En d’o lähte la , moužed lähtet la tabatah sanotah , krasnarmeiskuoin akke tulou ”.
- ”A kembo sanou ?”
Ühten kieran soberiimmo .
Panim maidot vähäižen da d’äiččäd .
Lähten , sizär d’älgeh , minun tabaži dorogal : ”Kunna tüöndät ?”
- ”Nenga la lähten Priäžäh ”.
- ”Seičas kodih !
Sinä sanou olet krasnarmeičan akke , lipo kodih iäreh , lapset sih d’iätät maidoloiden tiäh sanou dai kanuoidentiäh eläd nu ”.
Minul kauhtanan iäre kiškuoi .
Minä kodih paha mieles .
Opät’ n’edäli proidii , op’ät’ muatuška sanou : ”N’eveske , ka mäne , kai ristitut kävütäh ka ”.
Nu i minä rešilas’ , lähten .
Oli sigä minul vahnembam vel’l’en neveske , Kondrat’ouna , sen ker lähtimme kahtei .
Minä sanon : Hoi , neveske , minä la ni kouz en olnu ku minud la , tabatanneh ?”
- ”Ole vaikkani , sanou , minä tiedän sanou kunna pidäu mändä ”.
Häi d’o kävüi d’o kezän sen , nedälit kaks vai min ainos kävüu .
Nu mänimme Priäžäh vedätti kuz on kuhn’e , Dušakovan kodi oli sinnä , mänimme .
Sigä net beeluoid , net keitetäh , hatud ned piäs moižet , nu , kädet kuoritut .
A minä en ruohti ni mändä , häi sanou , mäni sigä iččeh maidod müöi dai minum maidod otti .
”Andagat , sanou , pudrošte d’auhod meile ”- sanou , se neveske sanou .
A minä pala kesket seižon , en ruohti mändä dumain : eiku tabata minut sinnä , varaidan heit .
”Dai ihmižel’l’üö maidod ottagad ”.
Dai otettih , minul andettih sih d’auhot da kürzäd ned mid liennou oldu ku sormel painelttu , pööreikürzät andettih lähtimme .
Vie minul d’iäi maidot .
A minulе dej ole maidohimo , ka minul on in’t’eresno tietä , što midä sigä ruatah net .
Siid d’o mänemme loitoks keskikülässuai mänemme , kus sigä heil on štaabe da soberitaheze nastupl’en’aih Matrossah .
I nečen ojarandaz on Nefan Van’an kodi , müö sih nowzemme .
Kodis sigä - saldattekulud ned nuored nuoret humalas šl’äimetäh .
”Oi , andagad pullod meile , muamod , da kai maidod otamme da kai ”.
Minä dumain vuota ehki kačom miiččed on net saldatat virutah pertis olged lat’t’ail .
I sigä muga hüö nečis lähtedäh : ”Oi , sanou , hüväd emändät sanou , maiduoid anduoitte sanou ka .
Müö n’u lähtemme kaupungid ottamah , sanou ”.
Kačo Matrossah nastupl’en’aih .
Dumain : ”Nu , olgah , s’orouno on tägä net ahla t’üö mänette ka ettego k opusti ”.
Minä sanou sille Kondrat’ounale : ”Läkkä iäres ole sinä päivilleh , maidod dai kai mändägäh ”.
”Na , sanou , meile d’engad ielo , andamme teile nenit ” - vakaižet kil’kkad andettih .
Nu , minä ned otin da lähtin iär .
Kandopul’em’otte kuluižed nenii žestiden vedettävät tačkat , moižed akat podvodas , ken bohatišto hüväs mieles ajetah , pul’em’otte vai entiä kaks oli .
Siid minä in’t’eresuiččemokseh ümbäri kačuoimme – nu , mängäd mängäd lähtedih , müö iäre kodih .
Tulemme kodih : ” Nu olidgo tuoidgo midä ?”
- ”Ka tuoin la .
Siid d’auhod andettih vähäine , da kürzäd , da siid neččidä midä net kil’kkad andettih , kil’kad andettih nu .
Olgah enämbi d’ et en la iähte .
Olevai päivilleh sinä , muamo , minus , ol päivilleh en lähte .
Nägin kui pandih pul’em’otat sih nenih tačkuoih höštögen vedettäviz da lähtedih Matrossah nastupl’en’aih ”.
A siit kodvaine proidii , minä tožo , ukko tuli da heile sanuoin , što nenga kačo nengomat lähtedih , ej ole hüvät saldattad ni vous’o .
Kaj on nene nuoret , šläimüd da siid mublizovannuoit sigä nenis Kolatselgäl da Vedloz’eraz , da kedä ei ehtinü uidida net .
A suomelaižid ielo ni kedä putil’l’ište , entiä dobrovol’cad vai mit , šl’äimetäh la alasti .
Da siid minä enämbi en lähtenü .
Muamo se vie kai küzelin , enlähte en lähte minä muga siiten .
Priäžäs maidod vaihtamas
карельский: людиковское наречие
Южнолюдиковский (святозерский)
В Пряже я обменивала молоко
русский
«