Тексты
Вернуться к списку | редактировать | удалить | Создать новый | История изменений | Статистика | ? Помощь
Suolužmägen al
Suolužmägen al
карельский: людиковское наречие
Южнолюдиковский (святозерский)
– Nu
a kouz olit sinä dorogad azuitte , kunnebo ?
Da , vie meid ot’ sinne ajettih krežn’uoit fiinat tul’d’ih Mangalpiäi dorogale kerättih , mänimme , nu .
Kaikkit ei d’o küläs , kedä vai on neččidä , akuoid da kai mužikat sinne otettih mubiilizuittih armijah , a akuoit .
Mangal suokoht oli siid müö sigä suot kandamme da d’upkil da panemme vähäižen .
Iče azumme ül’empahuoin , duumaimme , štobi anda nečis ei viedäiš nenit puuškid ni midä .
Emme nähnü ni igässäh puuškad miiččed oldah da kai .
Nu siid erähän kieran kačomme - ajetah puuškekuluižet pikkaraižet moižet , nene heboluoil saldatat selgäs nukutah , siid ajetah , a pikuoi kaku oliiš kruuškaine moine svola .
A bohatištot sanotah : ” Vot , sanou , nengomat , sanou , ku viedäh , sanou , ka nu toinah andetah , sanou , krasn’armeičuoile , sanou , lidnah puututah ”.
Ka meile pahamieli : oi , kehnot ajetah sinnä dani voidahgo ...
A eigo voittu ükskai ajada siitku rubettih ajamahhäi kous .
Neče hüö tahtottih sinnä nastupat’ Petrouskuoile , ken kunna vie humalas , mändäh , sanou , šl’äimetäh .
A ku meiden sigä Suolužmägen mägel tüöndäškättih ka , sih , sanou , sorduttih ende mäget kai .
Ned oman küläm mužikat sanel’t’t’ih .
”A meile , sanou , pidäu pagižemme sigä ei mändä nal’eveje , pidäu mändä praveje , štobi sanou voiš piästä .
Siit , sanou , ku nastupl’enii rodiihku – sorduškattih , sanou .
Oficeeru hebon kera sihe dorogale sordui , s’estre siit ...lopud , sanou , kai rossipalis’ kai ken kunnagi .
Meččäh da müö , sanou , meččäh , iäre pagenimme da kodih tulimme ”.
Ka kaks n’edälid ol’d’ih mečäs , ken oli hebuoiden ker da muga .
Sigä elettih , kuni ei uspokoittu da krasnuoi tulnu sih zaimii neččidä ...s’el’sovettat pogostal .
Ka meččäh kir’utettih akad mužikuoit , ei lähtedü finnoiden ker Suomeh .
– A kuga siga , pelduois , mečis ?
Nu peldos mečäs .
Eihäi d’oga siaz ečitä .
Ken hebuoiden ker oli .
Dai kudamad oli mublizuittu nene armiih se mublizuiččihäi mužikat .
Nu i net sigä kaks n’edälit ol’d’ih kuni ei mua se kun’ ei uspokoittuheze hüö .
Siid muga , siid d’o , kačo , krasnuoi se loitokse ajettih , sinnä granicais piäl’či Kolatselgäle da kai ka .
A meil d’o siit spokoinembi rodiiheze elädä .
Suolužmägen al
карельский: людиковское наречие
Южнолюдиковский (святозерский)