Тексты
Вернуться к списку | редактировать | удалить | Создать новый | История изменений | Статистика | ? Помощь
Lähtimme evakuacaih
Lähtimme evakuacaih
карельский: людиковское наречие
Южнолюдиковский (святозерский)
Tämä
voine zavodiiheze , siid müö elimme Priäžäs .
Mužikke minun ruaduoi , a minä siid lehmäd da , heinäd azuin da niitän da lapsiden ker kodiz da kai .
Lapsed lähtedih , otti tütär vahnembe lidnah , müö d’iäimme ukon ker kahtei .
Vuotamme vie - muga azevutah eigo , azetu neče voine da kai .
Ka midä azettuu , d’o kezän sen ijun’an , ijul’an , augustal , lopul : ”Sobirace iäre !
Kaikkit , štobi soberikatokseh , kem midä voined ottai .
Kahtes čuasus ”.
Na a minul lapsed lidnas , mužikke vai viinad d’uou .
D’o bombii Priäžän , sen i kaiken restoraanad , dai kodit kai eisua mändä lähikse , muga bombii .
Vie meil lehme andamata , pidäu gosudarsvah zdaida .
Heinäd azuimme , ned d’iädih kai sinnä .
Bombii ikkunat , kai pertiz murenzi , čut ei starikkat tappanu sinne , sii häi zluosti d’uov viinat .
”Läkamme iäre , hot’ lapsidelloh uidigamme , kunna tahto lapset ...”.
- ”Emme vie lähte , olgamme vie vähäine kodis ”.
Minä sanon : ” D’iäned - d’iä täh minä la lähten lapsidelloh nügü kai , mua matkadau iäres ”.
Selginin , kolme räččinät piäle panin , kaks pluat’t’аd .
Duumain eihätkeks ...vaiku meit tüöttih kahteks nedälikse .
Terväh , sanou , iäre kiändütökseh , tulette .
Lähtimme , emme voi mašinuoih puuttui , muga viedäh rahvahit kaikkit tagembaižis külis .
Odva puutuimme mašinuoih .
A sigä d’o palau , požarad ned .
Nägütäh kodit ku sütütetäh ka enohüvim meile se plam’a nägüu , ka srašno kaččoi - uidigamme müö iäre .
Tulemme , puutuimme mašinah , lidnah pristanile meid viedih .
Nu , minä do nägin d’o siga lapsid omad dai , tüttäret poigat kai ühteh puutuimme .
Siid meid viedih baržah , vie müö lidnaz olimme , siid baržah sinne ištutettih Onegad müöti t’üöttih .
Kenigi itköu pristanil , kenigi lehmiden ker kävelöu , kem midägi moine .
Müö lehmän zdaičimme Priäžäh , ka hot’ sidä hlopottad ielo .
Lähtimme evakuacaih
карельский: людиковское наречие
Южнолюдиковский (святозерский)