Тексты
Вернуться к списку | редактировать | удалить | Создать новый | История изменений | Статистика | ? Помощь
Oravoissa
Oravoissa
карельский: собственно карельское наречие
Толмачевский
Oravua
on hyvä šuaha , hypel’l’ä ei pie , vain issu kandozella .
Pid’äw männä meččäh , štobi viel’ä ei z’or’iis’ .
Šid’ä päiviä vaš pid’äw val’l’ita mesta , mis’s’ä on äijä oravan jäl’gie .
Tulet , mis’s’ä en’ämbi jäl’gie , i val’l’ičet kandozen .
Istuoče i vuota .
Vain hyvemmiin šuor’ieče , kodva pid’äw istuo .
Kuin zavod’iw zor’ie , ruvetah oravat hyppel’ömäh .
Vain vähäzel’d’i valguow , hyö nowššah pežoloista i l’äht’iet’äh šyömäh .
Šywväh , kizatah toin’e toizenke , hypel’l’äh meččiä myöt’ .
A šie issu hil’l’akkazeh i harvazeh čokšuttele .
Ka hyö i tullah šiwn čokšutandah .
Ammu , el’ä l’iiku .
Ammut , el’ä košše , ana šiin’ä on , kun’i et l’ähe kod’ih .
Yhen ammut , kodvazekši piet’et’äh hyppel’ennän , šid’ä tuaš ruvetah hyppel’ömäh .
Tuaš čokšuta i tuaš ammu .
Da šen’iin , mi šiin’ä el’ät’t’el’iečöw , kaikki voit kokšuttua .
Issut , issut , jo hyviin valguow , en’ämbi ei kuwlu čokšuttamašša , ei n’ävy hyppel’ömäššä , nowžet kandozelda , ker’iät tapetut oravat i kod’ih .
Ennen murginua i koissa .
Oravoissa
карельский: собственно карельское наречие
Толмачевский