Тексты
Вернуться к списку | редактировать | удалить | Создать новый | История изменений | Статистика | ? Помощь
Mežuivalla šeiččemen vuotta järel’d’äh päin...
Mežuivalla šeiččemen vuotta järel’d’äh päin...
карельский: собственно карельское наречие
Толмачевский
Mežuivalla šeiččemen
vuotta järel’d’äh päin [1950] pr’iježd’oi mužikka , kučuttih Pet’akši , tahto zaroida , peit’t’iä kivie hawdah .
(Hän’en ogordašša ol’i šuwr’i kivi , kuin l’ežanka , l’ibo kiwgua ).
Muan piäl’l’ä n’ägy kivi ei äijäl’d’i , mie muissan t’ämän kiven iral’ikkazeldi .
Hiän t’ämän kiven tahto kattua muah : kaivo žen rinnalla hawvan i tahto ših ät’ät’ä kiven .
Kiven rinnalla hawda jo ol’i valmis’ , i ennen zawtrakkua hiän tahto viel’ä kohendua hawdua , l’ekahutti mid’ä ollow , mua šärähäl’d’i – kivii langei mužikan piäl’l’ä i mäd’žen’d’i mužikan .
Mužikan šiel’d’ä kaivettih kyl’äl’l’eh : kivie noššettih nuoroilla i vuagoilla .
Mužikan piäššettih i kiven zaroidih .
Mežuivalla on viel’ä kakši kivie ; hiät , šanotah , ei voi koškie : mužikka koški i popad’i kiven alla .
Kuz’n’icovalla männeššä molemmin puol’in dorogua ollah kurganat .
Ammuin , igiä el’iäs’s’eh , enämbi kolmiekymmen’d’ä vuotta , mužikat rešil’i t’iijuštua , mid’ä t’äššä kurganašša on .
Hyö ruvettih kaivamah šid’ä , kaivettih äijän , muan tažalla .
Šiel’d’ä ruvettih ožuttuaččemah hiil’et .
Krivčovalda tuodih šuwpan i kuoteldih , i n’i mid’ä ei l’öwvet’t’y .
Hyl’l’ät’t’ih .
Do konca ei ruvettu kaivamah , l’ien’i struašno i hyl’l’ät’t’ih .
Ei i t’iet’ä , mid’ä n’iis’s’ä kurganoissa on .
Paissah , što n’e ollah jiänyöt L’itvan aijoilda .
Mežuivalla šeiččemen vuotta järel’d’äh päin...
карельский: собственно карельское наречие
Толмачевский
В Межуеве семь лет тому назад...
русский
(