Тексты
Вернуться к списку | редактировать | удалить | Создать новый | История изменений | Статистика | ? Помощь
Suain kond’ait
Suain kond’ait
карельский: людиковское наречие
Михайловский
Oledgo suanu
kond’ait ohotal ?
Kond’ait en ol’e äijät , n’el’l’ kond’ijat va .
Nu sanele kus ezmäižen suait !
Ezmaažen suain .Müö Vas’a-vel’l’en ke üličin Kord’ärves nečiga , koir haukui n’el’l’ poigad oli .Emal kondijal poigad n’äma müö otiim .Kondijan ambuim .Poigat tuime , sid ot’t’ihe Piit’erih , va kunnak sinne zaloge českuohe satu saduon rublin an’t’t’ihe poigas .Nel’l’ poigat siid mia suain .Ve kl’apcha kondijan .Kaks ambuin kondijat .Üks oli Kord’ärves ambuin , ka kahesa puudat .Vastha tuli , tuli vastha .Lodžeganz’ oja om .Kacon ka t’all oli a häin val’ežn’agad müöti tul’ oksih .Dai punaaziihe .Ka seičem metrad minus pokin mäniškanz’ .Ambuin , siit ka läbü pul’k proidii , ka ve mäni pa d ištuihe dai langezi .A toin’e koirad ajettihe .Ka päl’či okrugas rubež d’uoksema , a mia ambuin dai tagad’augat ei nouziškat .Ezid’auguol va punos a siit tošti dai kondii se se hub oli ei suur’ .Vot sen sidäi n’el’l’ kondijat .
Nu a kl’apčuoil kus , kui se suauit ?
Kl’apčah oli l’ehman süönnut .Vel’l’ om täs precedat’el’ ka hänen .Siid ečim dai l’öizim .Siit panim kl’apčan da puutui .Štik mäni läbü kämnis hänel d ezid’augas .
Siid ambuitte .
Siid ambuim .
Daa se tarkkah pidäü ambuda kond’ait näge .
Daa .
Piäzöv libo hüpniu piäle .
Ka en’t’iä am erasit topčii kondii .Nu satatel’ .
Kedä ?
Ka mi Išakov Miša om Anukses .Tojest’ Mägid’ärves , ka hänt vet kondii satat’ .Dai olii .Ka n’üg om kuolnut tama Agvehes .Savat’ov Peša .Pešk oli k hänt tožo kondii puruotel’ .Ruanič ka om slučajuot .
Suain kond’ait
карельский: людиковское наречие
Михайловский