Тексты
Вернуться к списку | редактировать | удалить | Создать новый | История изменений | Статистика | ? Помощь
Pelduoižen lohkon külät: (4) Huabanou, Kaskez’niemi, Nuožarvi, Kin’n’er’mäg, Kolatselge
Pelduoižen lohkon külät: (4) Huabanou, Kaskez’niemi, Nuožarvi, Kin’n’er’mäg, Kolatselge
карельский: людиковское наречие
Южнолюдиковский (святозерский)
Nu
siit sigä vie müö sanottih om Kik sen , Palatezd’ärven prodi , Kikin proidihui , Huabanov , emm olnu i neče on , toine , oi kui sidä sanoda unohtin .
Huabanou da siit Röbätte .
Vot niilüöis külis proidiimme müö siiriči oigedas čura oigedat kättemüöti ka hüö d’iädìh hurah čurah lam , neče d’ärvi keskez oli , Robotän d’ärvi , Röbätän d’ärvi , Röbätte da siit Huabanou .
Tožo taluoit kudamazgi küläižes koume taluoit kuda kodit , kudamazgi , enämbi eläjät ka nel’ da viiž da kuus .
Vot ned meččeküläižed da siit i neče oli vie Aganan külä s en tiä kui sigä sanottih , sid en voi muštuoittai miituine oli , se Röbätän da siiten nečen keskel .
A siid d’o sinnä lähtedäh kaskezniemed da kai sinnä d’o Nuožarven čura lähtöu .
Kaskez’niemez olimme .
Tožo eläu grežal , kodit hüvät i d’ärvi .
Nu a siid d’o müö tulimme sidä dorogad müöti kouz lähtimme pogostal da n’umaluoih mänimme , Vedloz’eran dorogah tulimme , Viel’d’ärven dorogah nouzimme , pienit doroguoit müöti da külid müöti , kous lähtimme n’umaluoih .
Siid minä panin net kai külät kai külät primettäh , i muštuoitin ainos .
Da siid d’o sinnä l’ähtet Kaskezniemez olimme , sinnä Nuožarved da siid nene lähtedäh , Tulem’d’ärved da D’ürgiličäd da Palalahted da Kin’n’ermäged da kai sinnä lähtedäh d’o net .
Niilüöis küliz vot sigä minä oli (oli ⊂ olin ), kai proidiin omal d’algal proidiin net kai .
– Nu miituine külä Nuožarvi oli , Nuožarvi ?
Nuožarvi oli ?Nuožarvi oli ...Enzimäine Pirduoiniemi , vot siit toižeks oli Kiiškuoiniemi .
Se oigedal kädel ol’d’ih a müö lähtimme hurah čurah Viel’d’ärven dorogad müöti .
Siit oli , mänet sinnä , Kodžuri oli .Kodžurih müö emme noznu , müö mänimme sinnä ülembä vie hurah kädeh mänimme .
A siid d’o tuлdez müö olimme Kodžuris siid vie .
Meit , kodih tuldes , tuodih poikki Kiiškuoiniemeh venehel .
Omat häi kačo gostitettih kell on omat ka siit gostitah da sii tiel i müö proidiimme sinnä .
Ei ende čitaittu št äi rahvaste tuli libo vähä tuli kaikkid gostitettih .
Nu siid müö kodih tulimme n’umaluoispiäi .
Sinn edelleh Kin’n’er’mägele kävüttih , kirikkö se oli Päntel’eikse sanottih , Päntel’eil’e molimaheze kävüttih : nu ken žalaih ka mäne , ken ei žalainnu ka älä mäne .
Nuu siit prodiimme , oli Mel’l’iččekülä oli .
Siit sinnä N’akuoin külä oli , minä muštan eno hüvin kai ne .
Siid N’akuoin’küläz oli , proidit sinnä , Dürgil suuri külä .
Siid Dürgilän küläz d’o l’ähtet sinnä Palalahten küläd ol’d’ih .
Sinnä d’o lähembä sidä Kolatselgät , siid niil’üöit külid em mušta miittumad ol’d’ih .
Kolatselgäle , Palalahteh sii pogoste tožo sanottih .
Ka küzüt : ”Tämä mi on ?”– ”Pogoste ”.
Pienit küläižit em mušta .
A siit Kolatselgäle mänimme sinnä .
To , Kolatselge tožo suuri külä on , elettih čuran toižen d’oges , kaide d’ärvi on , muguoine , čuran toižin elet’t’ih .
On hüvät kodid , on pahat kai , meil int’eresno kaččoda kudai on parembe kodi .
Nu siide nouzimme , emme üöd olnu , mänimme kirikköh kävüimme da senker moliimo da d’ärilleh lähtimme , tuohukset panimme .
Siid opäd’ d’o on nuortte üksitoš henged oli meit , on nuortte , on vahnat .
Vahnad malittud pandah , a müö nuoret ka nagrad da vie sigä šuutid da kaika .
Siit sanotah vahnembat , čakatah : ”Midä t’üö nagratte ?”...
Pelduoižen lohkon külät: (4) Huabanou, Kaskez’niemi, Nuožarvi, Kin’n’er’mäg, Kolatselge
карельский: людиковское наречие
Южнолюдиковский (святозерский)
Деревни в окрестности Пелдожи: (4) Хуабаново, Каскеснаволок, Крошнозеро, Киннерма, Колатсельга
русский
[