Тексты
Вернуться к списку | редактировать | удалить | Создать новый | История изменений | Статистика | ? Помощь
Kut hougid’ doroškuu samei
Kut hougid’ doroškuu samei
вепсский
Средневепсский западный
Ühten
kerdan minä mänin’ kalha .
Venhen otin’ homencuu aigoiš i tönduin’ kalha .
Ajein’ virstan , niken kokeidand ii .
Konz kod’he tönduin’ , venehehe ku paigeidab , čut’ ii hambhišpei simad hädant .
Zavodin vedada ka ii tule , venhen vedab tagaz .
Minä san : «Nece ken-se zver’ putui , ka kubaidab .
Nece ka nece , minä san , mitte životni putui ».
Nu i zavodin’ händast ičiin’pei vedada .
Hän mindei vedab , a minä händast vedan .
Vedin’ , vedin’ rindale , vedele päle leta emboi .
Kacun ka metrad tobnemb mugoine houk’kulu .
Sun avaiž – minum päle mäb sin’n’a .
Nu , hüvä , houg’ minei edeles hvati i siman orgho , män’ pohjha .
Minä hänen len’din’ .
Minutad polenkümnešt’ minä hänenke sit’ babimoi , nikut ii sa leta , ii sa sada nikut .
«Naroviške , minä sindei vedan madalale , ka linnep paremb .
Hambhiže siman sain’ , ka minei hambhad-gi hädab , muga kubeidab .
Jäl’gmei sidoin’ jougha siman i tönduin’ .
Metrad viž muga jätin’ , hän kaiken pohjadmu tuleb .
Minä kutn’a čurkan hänen vedan .
Hän hil'l’ašti tuleb , minä suudan .Muga suuzin’ sihessei ...om sigä miil’ kaidelmaz , neche kaidelmahassei .
Rand-se madal , neche randha tulin’ , kacuhtin’ – ak tuli vastad kastmaha järverandha (a elän-se minä järverandas ), padanke da , dumaib , što minä hougin’ sain’ i padha panen edeleze , a ii muga lähtend .
Minä san : «Tuleške , akaine , abuta minein’ hougid’ otta ».
– Alako sä tühjäd pagiže .
– Kacu , näged mitte minei om propašin , emboi nikut ... Sim om jougha sidotud eskei .
– Nu , hüvä . Hän joks’ sinnä .
Minä läksin’ venehespei , puuvhessei bradin , hougin’ kutn’a härgän vedaškanz’in’ .
Tabazin’ kahtuu käduu i mi väged vedan .
Hän ii tule .
Potom hilläšti hän libui krežaspei-se sigäpei .
Sit’ minä hänen madalaha sain’ .
Minä haškun – muga i saskendamoi randha .
Jäl'gmei saimei ani jo madalale .
Hän ku skokkahtab sen korččuu , träsnib – ii päzund , minä vedouzin’ , ii päzund .
Minä vuugi härgän karččikš vedan .Toižen kerdan skokkahtab , kuumanden kerdan ku br’ingaidab , mujuštin’ – jo väl’l’ sim minei .
Kuna hän ?
«Sim kattez’ , minä san , libo uštken ot’ ».
Kacun , ka ušte , sim – kaik om , a hougid’ ele .
A houg’ - mugomou valuu , kutn’a lainiž sur’ män’ .
«Mä na zdorovje ».
Kut hougid’ doroškuu samei
вепсский
Средневепсский западный
Как мы щук дорожкой ловили
русский
«
«
– «
– «
– «
«
«