Тексты
Вернуться к списку | редактировать | удалить | Создать новый | История изменений | Статистика | ? Помощь
Введенский Григорий Ефимович, Золотинский Матвей Андреевич. MARKEŠTА SVʼATOI JOVANGELI. Nelläš piä
Маркешта Святой Іôванӷели. Нѣлляшъ пiя̈
Введенский Григорий Ефимович, Золотинский Матвей Андреевич
MARKEŠTА SVʼATOI JOVANGELI. Nelläš piä
карельский: собственно карельское наречие
Старописьменный тверской карельский
1 I
tuaš rubei opaštamah meren luona : i keräydy Hänen luo äijä rahvašta , äššen , mändyö veneheh , pidi Hänellä istuo merellä , a kaikki rahvaš oli meri rannalla mualla .
2 I opašti äijän heidä arvautannoila , i pagizi omašša opaššannašša :
3 Kuulgua : Ka läksi kylväjä kylvämäh ;
4 I konža hiän kylvi , yhet jyvät langettih tiedä vaš , i tuldih linnut , i n’okittih hiät ;
5 A toizet langettih kiviköllä , missä ei ollun äijiä muada , i terväh vihahettih , žentäh , jotto eulun šyväldi muada ;
6 Päiväzen noštuo , kellissyttih , i kuin heissä eulun juurda , kuivettih ;
7 Muuvennet langettih tuhjoh , kažvo tuhjo i katto hiät , i nimidä hyö ei kažvatettu .
8 A muuvennet langettih hyvällä mualla , i laškiettih taimenie noužijua i kažvajua , i kažvatettih lizävyö kolmekymmendä , i kuužikymmendä , i šuan .
9 I šano : Kellä on korvat kuulla , kuulgah !
10 Konža Hiän oli yksinäh , kyžyttih Häneldä Hänen kera olijat , kahentoistakymmenen kera , arvauttamizeh näh .
11 I šano heilä : Teilä on annettu tiediä Taivaš kuningahuon tiedävyö , a niilä ulgozilla arvautannoila kaikki šanuočou ,
12 Ana kaččuon kačotah , i ei nähä ; i kuulien kuullah , i ei malteta , kuin konža ei kiändiäčetä , i jättiäčetä heilä riähät .
13 I šano heilä : Että go tiijä tädä arvauttamis’t’a ? I kuin työ kaikkie arvauttamizie rubietta maltamah ?
14 Kylväjä on , ken kylväy Jumalan šanua .
15 A ne ollah , kumbazet tiedä vaš , missä kylviäčöy Jumalan šana , i kuin kuuluššetah , šidä že aigua tulou sotona , i kiskou šanan , kylvetyn hiän šiämellä .
16 I ne niin že ollah , kumbazet kylviäčetäh kiviköllä , kumbazet kuin kuullah Jumalan šanua , šidä že kerdua ihaštunuot otetah hänen ,
17 I juurda heissä eu , i ei viikkozet olla ; i kuin tulou vaiva ali ajuačenda šanan täh , tereväzeh hyllätäh .
18 A ne ollah , kumbazet tuhjoh kylviäčetäh , šanan kuulijat ,
19 I tämän ilman huolet i elon kaunehuš , i kaiken ualazet himot katetah šanan , i tarbehetta on .
20 A ne ollah , kumbazet hyvällä mualla kylvetty , kumbazet kuullah šanan , i otetah , i tuuvah lizävyö kolmehkymmeneh šua , i kuudehkymmeneh šua , i šadah šua .
21 I šano heilä : Jotto go viritetäh tuohušta šiksi , kuin panna händä vakan alla ali laučan alla ? Ei go žentäh , kuin ylähänä palais’ ?
22 Eule tiedämättömiä , midä ei tiijuššettais’ ; ei go ole niin peitošša , mi jälgiperillä ei ožuttuačis’ .
23 Kuin kellä ollah korvat kuulla , kuulgah !
24 I šano heilä : Pidäkkiä työ , midä kuuletta : kumbazeh vakkah mittuatta , mitatah i teilä i lizätäh teilä , kuulijilla .
25 Kellä kuin on , anduačou šillä , a kellä eu , mi i on , i že kiskuočou häneldä .
26 I šano : Niin že on i Taivaš kuningahuš , kuin inehmine luokšiu jyvie muah ,
27 I maguau hiän , i noužou yöllä i päivällä , i jyvät vihahetah i kažvetah , a hiän iče ei i tiijä ;
28 Ičeštä mua iellä laškou taimenet , šiidä tähkän , a jälgi perillä täyvyttäy jyvät tähkäššä .
29 Konža šualistuu leibä , työndäy šiine že čirpin , jotto läheni leikkavo .
30 I pagizi : Min jyttyökši panemma Taivaš kuningahuššan ? Ali mittyön arvauttamizen jytyš on hiän ?
31 On hiän kuin kargičane jyväne , kumbane kuin kylviäčöy muah , pieniin on kaikista muа jyvistä ;
32 I konža liey kylvetty , kažvau , i on šuuriin kaikista heinistä , i laškou okšat šuuret , äššen hänen alla voijah elättäliečie lendäjät linnut .
33 I tämän muozilla äijillä arvauttamizilla pagizi heilä paginua , žen verda , min voidih kuulla ;
34 A arvautannoita ei paissun heilä nimidä , eris’ ollešša šaneli kaikki omilla opaššettavilla .
35 I šano heilä šinä piänä illalla : Ajakko toizella puolla .
36 I laškehuo rahvahan , otettih Hänen venehellä , kumbazella Hiän oli ; i toizie venehie oli Hänen kera .
37 I nouzi šuuri tuuli ; i vettä veneheh rannašta piäličči nošteli , äššen jo venehellä upota .
38 A iče Hiän venehen piäššä magai . I noššatettih Hänen , i šanottih Hänellä : Opaštaja , et go nimikseh ole , häviemäššä olemma .
39 I nouštuo , kieldi tuulen , i virki merellä : Hergie , täyži šiula . I heittih tuuli , i luadiih tyyni šiä .
40 I šano heilä : Midä työ niin rapakat oletta ? Kuin työ että uššo ?
41 I pölläššyttih hyö ylen äijäldi i toine toizella paistih : Ken muone Tämä on , jotto i tuuli i meri Händä kuunnellah ?
MARKEŠTА SVʼATOI JOVANGELI. Nelläš piä
карельский: собственно карельское наречие
Старописьменный тверской карельский