Тексты
Вернуться к списку | редактировать | удалить | Создать новый | История изменений | Статистика | ? Помощь
Введенский Григорий Ефимович, Золотинский Матвей Андреевич. MARKEŠTА SVʼATOI JOVANGELI. Kakšitoistakymmeneš piä (Kaheštoista piä)
Какши-тойста-кюммѣнешъ пiя̈
Введенский Григорий Ефимович, Золотинский Матвей Андреевич
MARKEŠTА SVʼATOI JOVANGELI. Kakšitoistakymmeneš piä (Kaheštoista piä)
карельский: собственно карельское наречие
Старописьменный тверской карельский
1 I
rubei heilä pagizomah arvautannoila : Issutti savun inehmine , i pani aijan , i kaivo vuuvannan , i luadi paččahan , i ando savun kaččojilla , i pois’ läksi .
2 I työndi aijalla kaččojien luo oman inehmizen , ottua savun kaččojista tarbehet .
3 A hyö , ottahuo hänen , lyödih i työnnettih nimin kera .
4 I tuaš työndi hiän luo toizen inehmizen ; i žen kivilöilä lyödyö , puhattih häneldä piän , i työnnettih huigien kera .
5 I vielä muuvennen työndi : i žen tapettih ; i äijie toizie , kumbazie lyödih , a kumbazie tapettih .
6 Vielä oli hänellä yksi armaš Poiga , työndi i žen jälgiperillä , šanuos’s’a : Huijuštuačetah Miun Poigua .
7 A ne savun kaččojat paistih keškenäh : Tällä kaikki jiäy elo ; aštukkua tapamma hänen , i miän liey elänneh .
8 I ottahuo hänen , tapettih , i luodih pois’ savušta .
9 Nin min luadiu savun izändä ? Tulou tappau savun kaččojat , i andau savun toizilla .
10 I että go lugen työ tädä kirjutušta : Kivi , kummas’t’a rinnalla ei pandu lad’juajat , tämä tuli šamalon piätökši ;
11 Herrašta tämä tuli , i on kummana miän šilmissä .
12 I ečittih Händä ottua , da pölläššyttih rahvašta , maltettih hyö , jotto heih näh arvautannan šano ; i jättähyö Hänen , pois’ lähteih .
13 I työnnettih Hänen luo muuvenžie farisejoista da irodalissošta , kuin Händä muanittua šanalla .
14 I hyö , tulduo , paistih Hänellä : Opaštaja , myö tiijämmä , Šie toži mieš olet , et go kedä kammo , et go kačo kenen piällä , a kohaldi Jumalan tieh opaššat . Pidäy go makšua vedo Kiesarilla ali ei ?Andua go meilä ali ei andua ?
15 A Hiän tieži hiän viižahuon i šano heilä : Midä työ Milma muanittaletta ? Tuogua Miula hobiene , Mie kačon .
16 I hyö tuodih . I šano heilä : Kenen tämä iho on i kirjutuš ?A hyö šanottih Hänellä : Kiesarin .
17 I vaštah šano heilä Iisus : Makšakkua Kiesarin oma Kiesarilla , a Jumalan Jumalalla . I diivuoliečettih Händä .
18 I tuldih Hänen luo Saddukeit , kumbazet paissah : Ei liene virrondua . I kyžyttih Häneldä , šanuos’s’a :
19 Opaštaja , Moisei kirjutti meilä : Keldä kuin kuollou velli i jättänöy naizen , a lašta ei jätä , ana ottau hänen velli hänen naizen i šuau häneštä lapšie .
20 Oli šeiččimen velleštä : i enžimäne naičči , i kuollešša , ei jättän lapšie .
21 I toine otti hänen i kuoli , i že ei jättän lapšie ; i kolmaš niin že .
22 I otettih händä šeiččimen i ei jätetty lapšie . Kaikkien jälgeh kuoli i naine .
23 Virronda -aigana , konža virrotah , kumbazella heistä naizena lienöy ? Šeiččimellä oli hiän naizena .
24 I vaštah šano heilä Iisus : Tämän täh työ hairoitta , että tiijä kirjutukšie i Jumalan vägie ?
25 Konža kuoleista virrotah , ei go naija , ei go miehellä männä , a ollah kuin Angelit taivahašša .
26 Kuoleih näh , jotto virrotah , että go lugen Moisein kirjoisa , kuin pagizi hänellä Jumala tuhjon luona : Mie olen Avruaman Jumala , Isaakan Jumala i Juakovan Jumala ?
27 Ei ole kuolein Jumala , a elävien Jumala . Nin työ äijäldi hairotta .
28 I lähendiäčehyö , yksi kirja miehistä , kuulduo hiän paginan , i nähtyö , jotto Hiän hyvin šano heilä , kyžy Häneldä : Kumbane on enžimäne kaikista käššennöistä ?
29 A Iisus šano hänellä vaštah : Enžimäne kaikista käššennöistä on : Kuule Izruajeli , Herra tiän Jumala , yksi Herra on ;
30 I šuvače šie Herrua , šiun Jumalua , kaikella šiun šiämellä , i kaikella šiun hengellä , i kaikella šiun mielellä , i kaikella šiun viällä : tämä on enžimäne käššendä .
31 Muone že i toine : Šuvače šiun lähehistä , kuin iččiedä . Šuurembua näidä muuvetta käššendiä eu .
32 I šano Hänellä kirja mieš : Hyvin , Opaštaja , toven Šie šanoit , yksi on Jumala , i ilmain Händä muuvetta eu ;
33 A šuvata Händä kaikella šiämellä , i kaikella mielellä , i kaikella hengellä , i kaikella viällä , i šuvata lähehistä , kuin iččiedä , šuurembi on kaikkie Jumalalla tuomizie i andamizie .
34 A Iisus , nähtyö , jotto mielöväldi hiän šаnо , šano hänellä : Et edähänä ole Taivaš kuningahuššašta . I niken enämbiä ei ruohkin Häneldä kyžyö .
35 I pagizi Iisus , opaštuas’s’a kiriköššä : Kuin paissah kirja miehet , jotto Hristos on Duavidan Poiga ?
36 Že Duavida šano Pyhä hengeštä : Šаnо Herra miun Herralla : Istuoče oigiella kiällä Milma , kuni panen šiun vihazniekat Šiun jalloila aluššakši .
37 Nin iče Duavida nimittäy Händä Herrakši : i mistä on Hiän hänellä poiga ? I äijä rahvašta mieleh kuunneldih Händä .
38 I pagizi heilä omašša opaššannašša : Vardeiliečekkiä kirja miehistä , kumbazet šuvatah šuorinnuna käyvä i tervehyzie kuulla pihoila ,
39 I enžimäzinä istuo kanžoisa , i paraš šopešša olla šyömizissä ;
40 A iče šyyväh leškilöin kodiloja i šilmissä viikkoloin kumarrellah , nämä liijan otetah viäryön .
41 I istuočehuo Iisus kirikkö kaznan kohtah , kaččo , kuin rahvaš pannah vaškie kaznah . I äijät elokkahat pandih äijin .
42 I tulduo , yksi keyhä leški pani kakši moskoukua , mi on kodranta .
43 I kuččuhuo omat opaššettavat , šano heilä : Amin’ šanon teilä , tämä keyhä leški enämmän kaikkie panijie pani kaznah ;
44 Kaikin omašta liijašta pandih , a tämä pani omašta keyhyöštä kaikki , mi hänellä oli , kaiken oman eländehen .
MARKEŠTА SVʼATOI JOVANGELI. Kakšitoistakymmeneš piä (Kaheštoista piä)
карельский: собственно карельское наречие
Старописьменный тверской карельский