Тексты
Вернуться к списку | редактировать | удалить | Создать новый | История изменений | Статистика | ? Помощь
Введенский Григорий Ефимович, Золотинский Матвей Андреевич. MARKEŠTА SVʼATOI JOVANGELI. Kolmaštoistakymmeneš piä (Kolmaštoista piä)
Маркешта Святой Іôванӷели. Колмашъ-тойста кюммѣнешъ пiя̈
Введенский Григорий Ефимович, Золотинский Матвей Андреевич
MARKEŠTА SVʼATOI JOVANGELI. Kolmaštoistakymmeneš piä (Kolmaštoista piä)
карельский: собственно карельское наречие
Старописьменный тверской карельский
1 I
kuin Hiän läksi kiriköštä , šano Hänellä yksi Hänen opaššettavista : Opaštaja , kačo , mittyöt kivet i mittyöt huonukšet .
2 I vaštah šano hänellä Iisus : Niät go nämä šuuret huonukšet ? Ei jiä tiälä kivi kiven piällä , kumbane ei liene levitetty .
3 I kuin Hiän istu Eleona-goralla kirikön kohašša , kyžyttih Häneldä yheldäh Pedri , i Juakova , i Iivana , da Ondrei :
4 Šano meilä , konža nämä lietäh , i midä myöt’ voit arvata , konža nämä kaikki loppiečetah ?
5 A Iisus vaštah rubei heilä pagizomah : Vardeiliečekkua , kuin ken teidä ei muanittais’ ,
6 Äijät tullah Miun nimellä , paissešša , jotto Mie olen ; i äijie muanitetah .
7 Konža kuulluššatta torat i torah näh paginat , elgiä varakkua : pidäy olla , a ei vielä loppu .
8 Noužou rahvaš rahvahan piällä i mua muan piällä ; i lietäh muan šäräjämizet paikoin , i lietäh nällät i hoput . Algu vaivoila nämä .
9 Vardeiliečekkua työ iče , šuatetah tiät kanžoih , i kanžoissa lyödy lienettä , i vanhembien i kuningahien edeh tiät šuatetah Miun täh , tiedävökši heilä .
10 I kaikissa muakunnoisa pidäy iellä šanuočie Jovangelilla .
11 A konža käzillä šuatetah teidä , elgiä ieldä päin huoluštaliečekkua , midä paissa , elgiä go opaštaliečekkua ; a mi anduačou teilä šinä kodvana , že paiskua , että työ liene pagizijina , a Pyhä hengi .
12 Andau velli vellen šurmalla , i izä poijan ; i noššetah kiät poijat omien izien i emien piällä i tapetah hiät .
13 I ruvetah pidämäh vihua tiän piällä kaikin Miun nimen täh ; ken tirpau piäh šua , že šäilyy .
14 A konža niättä hyllyn paganukšen , prorokašta Danilašta šanotun , šeizomašša , missä ei pie , ‒ lugija maltakkah , ‒ šilloin Iudejašša olijat ana puatah gorilla ;
15 A ken piädyy katokšella , elgäh läkkäh kodih , ei go mäniis’ midä ottamah omašta koista ;
16 A ken piädyy pellolla , elgäh myöštiäčekkäh järelläh ottamah omua vuattieda .
17 Paha kohtuzilla i nännin imettäjillä niinä päivinä .
18 Kumarrelgua , kuin pago tiän ei olis’ talvella .
19 Lienöy niinä päivinä vaiva , min muos’t’a ei ollun muailman allušta šua , min luadi Jumala , täh šua , i ei liene .
20 I kuin Jumala ei piättäis’ päivie , ei šäilyis’ yksi hibie ; a vallittulojen täh , kumbazie Hiän valličči , piättäy päivät .
21 Šilloin kuin ken šanonnou teilä : Ka tiälä Hristos , ali : Ka šielä , ‒ elgiä uškokkua .
22 Lietäh šilloin valehuš hristat i valehuš prorokat , i luajitah ožutannat i kummaat , kuin muanittua , kuin vois’ , i vallittuloja .
23 A työ vardeiliečekkua . Ka , ieldä päin šanon teilä kaikki .
24 A niinä päivinä , žen vaivan jälgeh , pimenöy päiväne , i kuudoma ei anna ičeštä valgieda ,
25 I tähet ruvetah taivahašta kirbuol’omah , i viät , kumbazet taivahašša , liikahetah .
26 I šilloin nähäh Inehmizen Poigua , tulomašša pilvilöilä äijän viän kera i šuuren kaunehuon kera .
27 I šilloin työndäy omat Angelit , i kerätäh Hänen vallitut nelläštä tuulešta , muan piäštä taivahan piäh šua .
28 Smokovničča puušta opaštukkua arvual’l’a : konža vielä hänen okšazet lietäh nuoret , i kažvattau lehtilöjä , tiedäkkiä läššä on leikkavo aiga .
29 Niin i työ , kuin nämä niättä olomašša , tiedäkkiä , läššä on , oviloin ieššä .
30 Aminʼ šanon teilä : ei kergie hävitä tämä rodu , kuni kaikki nämä lietäh .
31 Taivaš i mua häviey , a Miun paginat ei hävitä .
32 A ših päiväh näh , ali kodvah näh , niken ei tiijä , ei go Angelit , kumbazet ollah taivahašša , eigo Poiga , vain Tuatto .
33 Kaččokkua , olgua varoila i kumarrelgua , että tiijä , konža že aiga liey .
34 Kuin inehmine lähtiessä jättäy oman kojin , i andahuo omilla inehmizillä vallan i jogohizella oman azien , i oviniekalla käšköy olla varoina .
35 Niin työ olgua varoina , että tiijä , konža kojin izändä tulou : illalla go , ali keški yönä , ali kukon lauluna , ali huomenekšella ;
36 Kuin tiedämättä tulduo , ei piävyttäis’ teidä maguamašša .
37 Aminʼ Mie teilä pagizen , kaikilla pagizen : Olgua varoina .
MARKEŠTА SVʼATOI JOVANGELI. Kolmaštoistakymmeneš piä (Kolmaštoista piä)
карельский: собственно карельское наречие
Старописьменный тверской карельский