Тексты
Вернуться к списку | редактировать | удалить | Создать новый | История изменений | Статистика | ? Помощь
Tiikšijärven Korapl’išuaren tarina
Tiikšijärven Korapl’išuaren tarina
карельский: собственно карельское наречие
Кестеньгский
Koraplišuari Tiikšijärvellä yksinäini niin
kuin laiva šeisou , niin kuin tavallini , siinä on koivu nenäššä ta kuuši kešellä .Ja hän on kaitani ja pitähkö šemmoni šuari .A mistä hän šai nimen Korapli – niin še on oikein luja ta väkevä historia .Vanhaukko , še isänisä šano šen , no ukko – mitä meilä šanotah Karjalašša ukokši .Niin hiän šano , konša ruoččilaiset ryövärit kulettih kylie myöten ryöštämäššä ihmisie , rahvašta , niin hyö otettih mitä parašta heilä oli – ašeita ja nuorta kanšua otettih keralla .Šärkiniemeštä otettih myöski ukko Vasilij Vasiljevič , oli šemmoni vanha ukko , hiän kuoli , hänellä oli 119 vuotta ikyä .Še oli juštih šen Ellan …Ella oli šen ruoččilaisen rošvošakin piällikkö .Kyläštä lähettih hyö viijellä venehellä , tuonne Vinčalla šoutamah .Ja oikein varattih , jotta eikö venäläiset rošvot niin kuin hyökätäh heilä piällä .No ukko oli vähä viisahampi , kuin rošvošakki , ja ukko kun oli perämieš , jotta juohattamašša , niin kun ne nähtih tuo pikku šuari , missä siinä on kuuši kešellä ta koivu nenällä , niin še kyllä näyttää etähyäti niin kuin laiva konšanahki kulkou .Še näkyy jokaisella .Hyö kyšäis , jotta :
- Mikä tuo kulkou ?Onko tuo laiva ?Onko tuo venäläisen rošvolaiva ?
Niin ukko šanou heti , jotta :
- Joo , Leipäniemeštä ajetah rošvot tänne , ta nyt on meilä hukuttava tai miät tapetah .
No Ella , še ruoččilaini rošvošakin piällikkö käški ajua šuareh .Ajettih šuareh , tänne Laukunšuareh .No vot .Ja Laukunšuareh kun ajettih , siinä ne siitä piruitih ja juotih ja vuotettih , konša še laiva mänöy sieltä Šärkiniemeh .Ja ukko oli vähä viisahampi , ja nehän kun juotih ja juotih , ei muuta kun ukko še kaččou , jotta ne humalluttih ta uinottih .Ja hiän ottau kaikki venehet rannašta pois , šito kaikki viisi venehtä toini toiseh nuoralla kiini ja siitä iče painu šoutamah .Otti kirvehet , veičet ja pistoolit – heilä oltih silloin ašeet vanhanaikuset ne pistoolit , pitkäpiippuset nakaanit .Ja niillä ei jiänyn minkäänlaista asetta ja puukkojakeen ja veiččijä sinne .Ella še sitten kun havaččeutu , še oli jo Vask-ukko , še Vasilij Vasiljevič , kaukana rannašta , niin še karjuu , jotta :
- Jaa , šanou , Larippa !Loppa (?), šanou , lennää (?)!Isä antau kuirin kätteen !
No kuirin on , piipun hänellä antau käteen , kultakuirin kätteen .Laripakši sitä kučču Vasilij Vasiljevičua .Niin še Vasilij Vasiljevič šanou , jotta :
- Joo , kyllähän kun mä tulen luita hautuamah , niin voronalla ei ole enämpi šyömistä .
No , ja siitähän ne kuoltih šiihi , koko rošvošakki šuareh nälkäh .Nälkäh ne kuoltih .No , ja ukko oli käynyn luita hautuamašša šiihe šuareh , a Korapli-nimekši šillä šuarella še ukko anto sitten jälkeenpäin .Kotih tuli , šanou , jotta tuo on Koraplišuari .Hän oli še Lappalaisienluoto ennen vanhah .Lappalaiset konša lienöy porojeh kera matattu , niin levähetty siinä luovošša , ja sitten tuli še Koraplišuari .
Tiikšijärven Korapl’išuaren tarina
карельский: собственно карельское наречие
Кестеньгский
-
-
-
-
Власова Анна Ивановна
История Корабль-острова на Тикшозере
русский
-
-
-
-