Тексты
Вернуться к списку | редактировать | удалить | Создать новый | История изменений | Статистика | ? Помощь
Iisus da Velzevul
Iisus da Velzevul
карельский: ливвиковское наречие
Новописьменный ливвиковский
20 Sit
Iisus tuli kodih , i rahvastu myös kerdyi muga äijy , ga Iisus da Hänen opastujat ei piästy ni syömäh .
21 Konzu Iisusan omahizet tiijustettih tämä , hyö lähtiettih sinne , ku vägeh ottua Händy iäre siepäi , hyö smietittih , Häi liikui mielis .
22 No zakonanopastajat , kudamat tuldih Jerusalimaspäi , sanottih : "Hänes on Velzevul , i sen , karuloin piämiehen , väil häi ajau iäre karuloi ".
23 Sit Iisus kučui heidy i pagizi heijänke arvattavil sanoil : "Kuibo sattan voibi ajua iäre sattanan ?
24 Ku valdukundu jagavuu da toruau iččiedäh vastah , se ei voi kestiä , 25 eigo voi kestiä taloi , kudamas riijelläh .
26 Ku sattan nouzou iččiedäh vastah da riidavuu iččehke , se ei voi kestiä , i sen loppu on tulluh .
27 Eihäi niken voi tungevuo vägevän miehen taloih da kiškuo hänel eloloi , ku enzimäi ei sidone händy . Vaste sen ruadahuu häi voibi kiškuo taloin .
28 Toven minä sanon teile : kai prostitah ristikanzoile , kai riähkät dai kiruondat , kirotanneh hos kui .
29 No ku ken kironnou Pyhiä Hengie , hänele ijäs ei rodei prosken՚n՚ua , no häi on viäry ilmanigäzes riähkäs ".
30 Tämän Häi sanoi sikse , ku hyö sanottih , buite Iisusas on paganhengi .
Iisus da Velzevul
карельский: ливвиковское наречие
Новописьменный ливвиковский