Тексты
Вернуться к списку | редактировать | удалить | Создать новый | История изменений | Статистика | ? Помощь
Kut zavodiše murendamine
Kut zavodiše murendamine
вепсский
3Konz
Iisus ištui Voipunmägel üksnäze , openikad tuliba hänennoks i küzuiba : «Sanu meile : konz kaik nece linneb ?
Mitte znam ozutab sinun tulendad i necen mirun lopud ?»
4Iisus sanui : «Olgat herkhil , miše niken ei veiži teid vigaha .
5Äjad tuleba minun nimes i sanuba , miše hö oma minä .
Hö sanuba : «Minä olen Messia » i veba äi rahvast vigaha .
6Tö kulištat toran änid i vestid voinan polhe , no algat pöl’gästugoi .
Necile kaikele tarbiž olda , no nece völ ei linne lop .7Rahvaz libuškandeb tošt rahvast vaste , i ma mad vaste , i äjiš sijoiš linneb näl’gäd , lendajid kibuid i manrehkaidusid .
8No nece kaik om vaiše kuti sündutandan kibuiden zavodind .
9Siloi teid anttas mokita , teid rikoškatas , i kaik rahvahad kandaškandeba vihan teiden päle minun nimen tagut .
10Siloi äjad hül’gäidaba uskondan , hö möškandeba toine tošt i kandaškandeba vihan toine toižen päle .
11Siloi tuleb äi tühjid sanankandajid , i hö veba äi rahvast vigaha .
12I ku paha sureneb , äjiden armastuz vilugandeb .
13No ken püžub vahvas lophusai , se päzub igähižehe eloho .
14Nece hüvä vest’ valdkundan polhe sanuškatas kaikjal mirus , todištuseks kaikile rahvahile , i vaiše siloi tuleb lop .»
Kut zavodiše murendamine
вепсский