Тексты
Вернуться к списку | редактировать | удалить | Создать новый | История изменений | Статистика | ? Помощь
Tapahus mečässä
Tapahus mečässä
карельский: собственно карельское наречие
Паданский
Matkaima
d’o järvestä kotona h päin .Tuldih vaštah meilä ennepäi hirvi ramba edi jallalla .En muissa kumman’ : važein vain oigien jallal .A d’älgeh matkai kondie .Kondie tahto šoaha šen hirven , no tappoa i jälgeh händä syyvvä .Vot .A tappoa heän tahto : hirven šoattoa vedeh , järveh , randah i upottoa .Jälgeh heän noštau hirven moalla da kandau šuo , loadiu šemmozen hauvan , hirven haudah i šammalla kattau .I siidä vardeiččou sidä hirvie päivän , toižen , kolme , nellä , no milloin heän valmistuu syömikse ssä .A hirvi nägöy meidä , no i kaččou što matatah ristikanžat .Tulou meilä vaštah i buito ko kyzyy meilä abuo da : "Tulgoa miula abuh !Miulda kangassa matkoau kondie ."No minulla isä sanou : "Vuota !Mänemmä piiloh , kačomma mitä lienöy iellähpäin ."No .Myö mänimä peittoh kuužen alla , ištuuvumma , kačomma .Hirvi kaččou , myö peittoh mänimä , emmä lekahuta nikunne .I hirvi seižaudu lähellä .Nu , metrov kaksikymmendä -kolmekymmendä .A kondie tagoana hirvellä samana metrie kaksikymmendä -kolmekymmendä .I kävelöy .Mänöy yhteh puoleh , sielä eänittäy kondie : "Ö, ö!"No kuundelou , kuundelou .Mänöy toižeh puoleh samana eänittäy , pöllättäy .Hirvi ei lekaha nikunne päin .No minul isä sanou : "No , pidäy tulla abuh hirvellä .Neät on heän roanittu on , edižen d’alga ei matkoa hyvin .No myö nukka hil’l’akkazeh mänemmä , edehpäin matkoamma sin troppah päin ."Matkoamma .Hirvi läksi d’älgeh meilä .Kondie kaččo , kaččo , to samana keändy i tagoana matkoau d’o hirvellä tagoana .Myö eissä , hirvi tagoana meilä , a kondie taguana hirvellä .I niin myö mänimä nu kilometrie puolitoista -kaksi kilometrie .Hyveä tiedä myöten tulima .Myö sie ...Meilä šeizo še jalkakone .Tulima .Hirvi tuli sie tože tie , kaččou tänne päin , toizin päin i läksi Moaselgäh päin matkoamah hil’l’akkazin hyveä tiedä myöten .Kondie sie eänitti , eänitti , eänitti , keändy , läksi meččäh päin .Izä sanou : "No vot , myö tulima abuh hirvellä .Kondie tuškeudu meijen peällä ."Eänitti , eänitti , eänitti , kuni myö emmä jo mottorikonie emmä zavedinnun i läksimä Jouhovoarah päin .Šemmoine oli meilä istorija .
Tapahus mečässä
карельский: собственно карельское наречие
Паданский