Тексты
Вернуться к списку | редактировать | удалить | Создать новый | История изменений | Статистика | ? Помощь
Olimmo pavos
Olimmo pavos
карельский: ливвиковское наречие
Видлицкий
Minä
olen rodinuhez Suures mäis enne voinaa .Sie i kazvoin , sie školah käin , sie opastuin .Maamo oli Nastasija Sem'onovna , taatto oli Varlamov Mihail Mihailovič .Meil oli äijy lastu .A lapset enne voinaa kuoltih .Däimmö vai kolmei , no yksi vie oli meile , konzu pagoh menimmö voinal .Sit sie zaboileiččih meijän yksi brihaččuine Van'a .Kuoli sinne , sinne panimmo maah , Sammatuksel .Ylen hyvät rahvas oldih sie , ylen hyvin vstreetittih .Sinne menimmö , baržu oli d'o lähtenyh , a myö däimmö sinne heile .Sie olimmo , a sit sanottih , što nikunne emmo päässyh , pidi lähtie därilleh kodih .Käännyimmö Mägih .Tulimmo , sie ylen suuri voinu zavodihes .Sit lähtimmö pagoh Rauhumägeh .Sie olimmo Rauhumäes .Sit d'o suomelazet tuldih da sit sanottih , nygöi täs rodie ylen suuret taistelut .Teile pidää mennä piiloh .Lähtimmö , sie oldih kuopat .Mečäs , olimmo mečäs .Sit laadittih havvolois nene , gu mökkizet rouno .Päivil olimmö sie , a konzu ylen äijäl ammuttih , sit olimmo kuopis .
Olimmo pavos
карельский: ливвиковское наречие
Видлицкий