Тексты
Вернуться к списку | редактировать | удалить | Создать новый | История изменений | Статистика | ? Помощь
Minä itkin ammui jo
Minä itkin ammui jo
карельский: ливвиковское наречие
Рыпушкальский
Minä
itkin ammui ylen jo , menetiije min vuottu .Min minä kävelin , kaikil itkin .Meijän rodu moine on .Minun rist'oi tože , tatan , häi iänel itki .Sit t'outa Varvara .Suomelažet , sanou , kaiken hierun kävelemmö , niken ei iänel ei malta itkie .Myös tullah , eihäi suau otkuažie .Ištutah myös .Vie suomelaine kai itki .Viižkymen vuottu minä itkin äijän .Sit oli iäni hyvä , a nygöi iäni kärižöy äijäl .Žiäli ollou , sit ni itkie ei sua .Sit et itke .Itkin minä hot kel .Iče itket , sit ei sua itkie .Itkietäh , kačo , kui häi eli , kui kazvoi da kui jiädäh lapset .Kačo , viehäi nuoret .Kai niidy lugietah .Pidäy kai tiediä hänen elos .Muite vakkinažele što häi kuoli da bolezni tuli da nenga voibi vähäine .A kenen eloksen tiijet , sit voibi itkie .Minä itkin čuassuloin yhtekseh , a nygöi en voi itkie .No sit , kačo , kuoltuu d'evät dnei itkietäh , sit sorok dnei itkietäh , sit konzu se päivy roih , kuolendupäivy vot .Häi , kačo , jongoi nellätkymmenet päderät päiväžet virui turben turboižien alle .Ei sinuu ni pitkien matkien tuakse provodittu , ga ei enämbiä sinus nimittumii viestižii tule .
Minä itkin ammui jo
карельский: ливвиковское наречие
Рыпушкальский