Тексты
Вернуться к списку | редактировать | удалить | Создать новый | История изменений | Статистика | ? Помощь
Jetojev Vladimir . Tedajan kalanikan starin
Jetojev Vladimir
Tedajan kalanikan starin
вепсский
Младописьменный вепсский
Necen starinan
minä olen kulnu ičein hüvil sebranikoilpäi – kalanikoilpäi .
– Azj oli kezal , – zavodi ičeze starinan Valentin , vähäšt lähtten ičeze melihe . — Mö Irinaakanke da tutabiden kanzanke pätim ajada kacmaha sijad da ühtejäl’ghe kalatusele Šatjärvele – nece järv’ om Vologdan agjas . Ajoim mö hätken – ezmäi mecteidme , sid’ – betontedme , i naku om lopuks järv’ .Pidab sanuda , miše järv’ da londuz čududoitiba meid .Randal oli pert’ , kus oli kaik tarbhaine , pertin irdpolelki oli kaik lebun täht : i kus ištta , i kus žar’dä lihad .Järv’ oli sur’ da , kut sanutihe meile , süvä .
Sikš ku mö tulim ani longile , mö sid’ žo zavodim keitta sömäd .Longitim , pagižim siš , midä tegeškandem lebul .Ehtzor’al mö akanke pätim mända ongitamha kalamaniteshe .Tutabad veriba lebaidamhas .
Irina oti kerdale supalan leibäd da munan Veziižandale , a minä – onged .Ištuimoiš veneheze : ak – meloihe , minä – ohjandamha motorad .Lähttes vähäšt randaspäi , mö panim radho motoran da ujuš kanzim .
Tün’ sä , čoma päiväižen laskend , zirklonvuitte järventazo – kaik nece muga noidusti meid , miše Irina unohti hüvitada Veziižandad .Kokind oli hüvä .Mö tahtoim jo pörttas lagerihe .Minä panin motoran radho , i äkkid minun käzi särahti .Venehen pörutaškanzi .Ak habi pidihe venehes ; pidab homaita , miše motoran minä olen kävutanu jo amu , no sid’ pidäda tazoolendad minei ei ozastund .A venehen kaik pöruti da pöruti .Meid oti varu .Minä varaižin akas : hot’ meiden päl olibaki päzutandžiletad , no mö olim ani edahan randaspäi .Minä homaičin , kut Irina ühtel kädel pidäse venehen laidas , a toižel otab kormanaspäi sidä , midä oli otnu kerdale .Hän laski vedehe ezmäi supalan leibäd , sid’ – munan .Om jüged uskta , no veneh hilläšti heiti pörumaspäi !A miččesse aigas päliči se seižutihe kogonaz .Motor oli saubatud , järvel möst oli zirklonvuitte tazo .Mö , märgad , kacuim toine toižhe vaitti .Venehes oli äi vet .Irina keskusti hillüt da segojal kelel sanui :
– Minä žo unohtin adivoičetada Veziižandad !
Sid’-žo hän zavodi pakita prostindad siš , miše mö olim lähtnuded vedele da püdanuded kalad ilma laskendata da tomaižeta .
Tutabile mö siloi em starinoičenugoi nimidä .Lebu da kalatuz oliba unohtamatomad , koume päiväd mäni homaičemata .Neciš azjas mö starinoičim sebranikoile da tutabile , mugoižile žo kalatusen navedijoile .
A vedele siš aigaspäi ilma tomaižeta da laskendata mö em mängoi .
Tedajan kalanikan starin
вепсский
Младописьменный вепсский
–