ВепКар :: Тексты

Тексты

Вернуться к списку | редактировать | удалить | Создать новый | История изменений | Статистика | ? Помощь

Iisus piästäy virguniekan poijan

подкорпус: библейские тексты

Источник:
Uuzi Sana, 2003, с. 125

Jevangelii Iivanan mugah. 4.

Iisus piästäy virguniekan poijan

карельский: ливвиковское наречие
Новописьменный ливвиковский
43 Kahten päivän mendyy Iisus lähti siepäi Galileih. 44 Häi oli iče enne sanonuh: "Ei pietä čestis Jumalan iänenkandajua omal kodimual".

45 No nygöi, konzu Häi tuli Galileih, galileilazet vastattih Händy hyväl mielel. Hyögi, näit, oli käydy Jerusalimah pruazniekkah da sie nähty, midä Iisus pruazniekan aigah oli luadinuh.

46 Iisus uvvessah tuli Galilein Kuanah, kus Häi oli muuttanuh vien viinakse. Kapernaumas oli suarin virguniekku, kudaman poigu oli voimatoi.

47 Ku häi kuuli Iisusan tulendas Juudiespäi Galileih, häi lähti Iisusan luo da pokoroiččih tulemah da piästämäh hänen poigua, kudai oli kuolemas.

48 Iisus sanoi hänele: "Työ etto usko sini, kuni etto nähne tunnusruadoloi da kummii".

49 No virguniekku pokoroiččihes: "Ižändy, tule, kuni poigu ei kuolluh".

50 Sit Iisus sanoi: "Mene kodih. Sinun poigu rubieu elämäh". Mies uskoi, midä Iisus sanoi hänele, i lähti.

51 Matkal hänele vastah tuldih hänen käskyläzet, i sanottih hänele: "Poigas piäzi".

52 Mies kyzyi heil, mil aigua poigu oli alganuh toibuo, i hyö vastattih: "Egläi seiččemendel čuasul žuaru hänes lähti".

53 Sit tuattah ellendi, se rodih juuri sil aigua, konzu Iisus sanoi hänele: "Sinun poigu rubieu elämäh", i häi da kogo hänen taloin vägi uskottih Iisussah.

54 Tämä oli Iisusan toine tunnusruado, i tämän Häi luadii, konzu tuli Juudiespäi Galileih.

Иоанн 4:43-54

русский
43 По прошествии же двух дней Он вышел оттуда и пошел в Галилею, 44 ибо Сам Иисус свидетельствовал, что пророк не имеет чести в своем отечестве.

45 Когда пришел Он в Галилею, то Галилеяне приняли Его, видев все, что Он сделал в Иерусалиме в праздник, — ибо и они ходили на праздник.

46 Итак Иисус опять пришел в Кану Галилейскую, где претворил воду в вино. В Капернауме был некоторый царедворец, у которого сын был болен.

47 Он, услышав, что Иисус пришел из Иудеи в Галилею, пришел к Нему и просил Его прийти и исцелить сына его, который был при смерти.

48 Иисус сказал ему: вы не уверуете, если не увидите знамений и чудес.

49 Царедворец говорит Ему: Господи! приди, пока не умер сын мой.

50 Иисус говорит ему: пойди, сын твой здоров. Он поверил слову, которое сказал ему Иисус, и пошел.

51 На дороге встретили его слуги его и сказали: сын твой здоров.

52 Он спросил у них: в котором часу стало ему легче? Ему сказали: вчера в седьмом часу горячка оставила его.

53 Из этого отец узнал, что это был тот час, в который Иисус сказал ему: сын твой здоров, и уверовал сам и весь дом его.

54 Это второе чудо сотворил Иисус, возвратившись из Иудеи в Галилею.
Сайт создан сотрудниками Карельского научного центра Российской академии наук
Вы можете свободно использовать материалы нашего сайта и делиться ими, главное — указать авторство и ссылку на наш ресурс.
Подробнее о лицензии CC BY 4.0
© VepKar. Открытый корпус вепсского и карельского языков