ВепКар :: Тексты

Тексты

Вернуться к списку | редактировать | удалить | Создать новый | История изменений | Статистика | ? Помощь

Aleksandr Kräkkijev. Elättimuailmas

Aleksandr Kräkkijev

Elättimuailmas

карельский: ливвиковское наречие
Новописьменный ливвиковский
Lumomeččy huondesruskol
Päiväzes uvvistuu.

Pilvilöinke taivas äsköi
Järvilöis kuvastuu.


Lindu lendäy leyhkyttelöy
Kiurukielevine,
Siibizii vai räpsyttelöy
Moine mielehine.


Menöy hubelo sih puuhuoh,
Kus on äijy urvua,
Elätelläkseh sie puuttuu,
Suaja rauhua, turvua.


A korendoloin pyörindy
Ärevyttäy äijäl
Järven mustua vedoin pindua
Salmisarral kaijal.


Buitegu kezrätäh liinua,
Verkoloi kuvotah,
Sil päderäl kunnelienne
Kibriesti kavotah.


I vyötetty kordehikol,
Kipsahteleh vezi,
Gu puarman purtes korbeikos,
Helly sälgy kezi.


Hil’l’akkazeh höyry valgei
Vien piäl nouzou puhtas.

Mustoh tuli kuudamvalgiel
Kiehui kattil huahlas.


Huohtai päiväine piililöi
Kuldazii vai kylväy
Heittelemättäh piiluloih
Taivahaspäi kylläl.