Тексты
Вернуться к списку | редактировать | удалить | Создать новый | История изменений | Статистика | ? Помощь
Balakirev Nikolai. Bl’uda Van’a
Balakirev Nikolai
Bl’uda Van’a
карельский: собственно карельское наречие
Новописьменный тверской
Pokrovan
jälgeh žiivatat toko šalvatah tahnuoloih .Liigoida iskietäh : eu midä ruogie tuhota – ieššä pitkä talvi .Täh aigah gnezdovoine toko lihalla torguidih Kolašnikovašša , harvemma Lihoslavl’ašša , a ših kerdah nellä mužikkua keräyvyttih äš Tverih : paistih , šielä liha on hinnašša .Iskiettih bokkozin i lähtei .
Tverissä rinkalla kaikki hyvin heilä viidi : lihat väliäzeh myödih .Lähtiessä linnah kodilazet heidä vakuššettih : nimidä šielä ei oštua , den’gazet tuuva kodih , oššanda – naizin azie .
– Nu nin midä , brihat ?...
Pojiezdah šua vielä enämbi kahta čuasuo .Midä ruadamah rubiemma ?– kyžyldi ožakkahie kaikkie heistä vanhembi ramba Kraskov .
– Miula himottais’ restoranah pyörähtiä , nikonža en ollun , – jygiezešti hengähti kaikkie nuorin holostoi Van’a .
– O -ho !
Ka tämä nin da !A muamo š ei rubie haukkuočomah , kun humalašša tulet ?– nouzi gil’u mužikoilla keššeššä .
Vaštah Van’a ei nimidä virka , vain muhizou .
– Van’a , neušto et ollun daže Tolmačun restoranašša ?
– ouvoštu Kraskov .
– En ollun , olin vain Kolašnikovašša čainoissa .
– A mie nin ehottazin teilä kinuo "Zv’ozdočkašša " kačahtua , - česti Kraskov .
– Kinuo i omašša kyläššä Pet’a jogo nedelie pyörittäy , – ei soglasiečen Van’a .
– Restoranah , nin restoranah , – läksi Van’alla myödäh ramba .
– Vain pidäis’ ennen šuappuat holildua , čai oviloilla diedo , parda vyöh šua , šeizou .
Mužikat :
– A missä myö šuappuat čistimmä ?Tämä tiedo , nin ois’ pidän keralla koista ottua ščotka da gutalina .
– "Volgan " luona istuu ruavaš mieš , kumbane čistiy jallaččie .
"Volgah " vet’ lähemmä , täššä eu edähänä , – predloži Kraskov .
Löyvettih mužikan perennikäššä klejonkašta , kumbane istu juaššikalla , ieššä jallalla varoin juaššikkane i moni ščotkua .Kraskov oijendi šuappuan protezanke .Mužikka iänettä kahella kiällä rubei vozimah jallaččie , vain ščotkat viuhketah .Loppi .Šiidä šinne -tänne vejäldi šargazella träpičällä .Kokšai juaššikas’t’a myöt’ , deskat’ , anna toine jalga .Ruavon jälgeh šano hinnan .Kraskov makšo .
Konža lieni Van’an čer’oda , min ni klokutti mužikka ščotkalla juaššikas’t’a vaš , Van’a šorkua ei šeizattan .Riuhtai mužikalda käzistä ščotkan i ottuači čistimäh omie šuappaida .Mužikka ravizou :
– Отдай щетку !
Van’a vaštah :
– Я младше тебя , не хочу , чтобы старший чистил мне обувь , а деньги заплачу !
Van’a yhelläh čisti šuappuat losnih šua , ando den’gat i kaikin lähtei "Volgah ".
Restoranašša rahvašta oli vähä , enämmät mužikat : kost’umoissa , kagloissa galstukat , jalloissa batinkat , vain kahen vojennoit oldih šuappaissa .
Miän omat istuočettih stolan tagah .Kraskov otti men’un , pilletti šinne iänettä , ando Van’alla :
– En niä nimidä , luve Van’a nuorilla šilmillä .
Van’a lugou :
– Салат… , салат… , винегрет .O -o -o , kaččokkua kko ! I vinigrettua tiälä on !Tädä dobrua myö i koissa šyömmä min tahottau .
Kraskov :
– Löyvä mid’ olgah palavas’t’a , da butilkan valgieda viinua otamma , ka i tulou miän den’goida myöt’ . A šiidä meilä eu konža viikkuo istuo täššä .
Van’a tuaš lugomah :
– Бефстроганов… , Бифштекс… , шницель .Oho ! En tiijä , mit nämä i ollah .
– Otamma šnicelit , ollah kuin katlietat , - vain šuuret .
Täššä hiän luoh tuli oficianka , kruasiečen kuin muččo , kumbane vašta čiretti da hihetti reunašša , stolazen luona , kahenke veššelöinke brihoinke .Kačahti vingalleh mužikoin jallaččiloih .Šai perennikän kormanista bloknotan krandašanke :
– Заказывайте , – a iče piän kiändi i kaččou kunn ollou šiiričči .
Kraskov :
– Бутылку водки и четыре шницеля .
– Всё , что ли ?
- Да .
Van’alla yhä ei mieldyn oficianka . Hänen Katti on äijä šomembi i parembi hot’ i ei kruasieče .A mytyš Katti on vagava rahvahanke .
Oficianka uidi .Van’a hänellä jällesti burajau :
– U -u -u , pahalane , paissa meinke kyläläzinke ei kehtua : turbua randah kiändäy , buitto emmä myö , kolhoznikat , händä šyötä , a hiän meidä .
Ajuas’s’a kodih vagonašša keššeššä mužikoilla tuaš läksi pagina restoranah näh :
– Van’a , nägyy , šiula restorana ei äijäldi mieldyn ?
Van’a heilä vaštah :
– Restorana ?– Stolouvoi , kuin stolouvoi .
– Nin myö vet’ päivällä olima , a illalla rahvaš ei vain šyyvä da juuva , a šoitetah , karratah , veseliečetäh .
– Miula oficianka ei mieldyn , a ei restorana .
Že kruasiečen , kun kikko , midä iččiedä ožuttelou .Edizeh päin hajukkahembi liey , kun hänen načal’stva zastuaviu makšua aštiešta , – näillä šanoilla jällesti Van’a reyhendi pinžakon polat i šai gašnikašta torelkan .
– Oho , muna šiula keroh , bl’udan restoranašta näppäit !
Eu huigieda , vet’ kyläläzie sramit !– Kraskov gr’ombai Van’an käzistä torelkan , – Kaččokkua kko , midä on kirjutettu bl’udan randua myöt’ : "Р-н Волга ".
Mužikat äš häpšissyttih ...Vuottamatta Kraskov logahti :
– Brihat , a vet’ diela eu oficiankašša , a on Van’an Katissa , razi Katti rubieu vierimäh , što hänen muku Van’a oli restoranašša , jesli Van’a ei ožuta hänellä tädä bl’udua .Oh šie bl’uda , bl’uda , Van’a Bl’uda , - pyörähti Kraskov Van’an päin .
Vähä go on kyläššä Van’ua , a Van’a Bl’uda – yksi .Täštä päiväštä šuat brihah i puuttu prozvišča – Bl’uda .
Bl’uda Van’a
карельский: собственно карельское наречие
Новописьменный тверской
–
–
–
–
–
–
–
–
–
–
–
–
–
Балакирев Николай Михайлович
Блюдо Ваня
русский
–
–
–
–
–
–
–
–
–
–
–
–
-