Тексты
Вернуться к списку | редактировать | удалить | Создать новый | История изменений | Статистика | ? Помощь
Ozoitezstarin segoinuden lambhan polhe
Ozoitezstarin segoinuden lambhan polhe
вепсский
1Kaik
maksunkeradajad i toižed grähkhižed tuliba Iisusannoks kundelmaha händast .
2Farisejad i käskištonopendajad buraižiba kesknezoi : «Nece mez’ kaiken om grähkhižidenke i eskai söb heidenke .»
3Siloi Iisus sanui heile ozoitezstarinan :
4«Ku kenel-se teišpäi om sada lambast i üks’ segoib , ka ei-ik hän jäta nenid ühesadkümned ühesad omaluižele rahvahatomha maha i ei-ik lähte ecmaha sidä segoinut , kuni löudab sen ?
5Konz hän löudab lambhan , hän ihastusiš otab sen sel’gha ,
6i kodihe tuldes hän kucub ičeze sebranikoid i susedoid i sanub heile : „Olgat ihastusiš ühtes minunke !
Minä löuzin ičein lambhan , kudamb oli segoinu“ .
7Minä sanun teile : muga om taivhas-ki .
Ühtele grähkhižele , kudamb käraudase grähkišpäi , ihastuba sigä enamban mi ühesalekümnele ühesale hüväle mehele , kudambile ei pida kärautas .»
Ozoitezstarin segoinuden lambhan polhe
вепсский