Тексты
Вернуться к списку | редактировать | удалить | Создать новый | История изменений | Статистика | ? Помощь
Myö olemma Hristossan runkon ošie
Myö olemma Hristossan runkon ošie
карельский: собственно карельское наречие
Новописьменный севернокарельский
12Hristossa on
niin kuin ihmisen runko , kumpasešša on monie ošie . Vaikka ošie on äijän , ne kaikki yheššä ollah yksi runko .
13Miät kaikki , ollemma myö jevreit tahi kreikkalaiset , orjat tahi omavaltaset , on kaššettu yheššä Henkeššä , niin jotta meistä tuli yksi runko . Ta kaikin myö olemma šuanun juuvva šamua Henkie .
14Eihän runkuo ole luajittu yheštä ošašta vain monešta .
15Vaikka jalka šanois : "Kun kerran en ole käsi , en kuulu runkoh ", niin eikö še kuiteski kuulu runkoh ?
16Ta kun korva šanois : "Kun kerran en ole šilmä , en kuulu runkoh ", niin eikö še kuiteski kuulu runkoh ?
17Kun koko runko ois vain yksistäh šilmä , niin milläpä še kuulis ?
Tahi još še ois yksistäh korva , niin milläpä nuuhella ?
18Jumala kumminki ašetti runkoh kaikki eri ošat , niin kuin Hiän tahto .
19Kun kaikki ois yhtä ta šamua ošua , niin oisko šilloin olomašša mitänä runkuo ?
20Runkon ošie on kuitenki monta , a runko on vain yksi .
21Ei šilmä voi šanuo kiällä : "Mie en tarviče šilma ".
Yhellä keinoin piä ei voi šanuo jaloilla : "Mie en tarviče teitä ".
22Myö emmä voi elyä ilmain niitä runkonošie , mit näytetäh muita vähäväkismmiltä .
23Ta niitä runkonošie , kumpasie emmä pie kovuan arvošša , myö peitämmä hyvin .
24A niitä miän ošie , kumpasie on huikie näyttyä , myö peitämmä vielä paremmin . Niitä runkonošie , kumpasie emmä häpiele , ei tarviče peittyä .
Kun Jumala yhisti ošat runkokši , Hiän anto vähempiarvosilla ošilla šuuremman kunnivon .25Šilloin runkošša ei šynny riitoja , a šen ošat yheššä huolehitah toini toisešta .
26Kun yksi runkonoša käršiy , šen kera käršitäh kaikki muutki .
Ta kun yksi oša šuau kunnivuo , šen kera iluol'l'ah kaikki muutki .
27Työ oletta Hristossan runko , ta jokahini teistä on tämän runkon oša .
28Jumala pani uškojakuntah enšistäh yksie apostoliloiksi , toisie pani viessintuojiksi , kolmanšie pani opaštajiksi .
Eryähillä Hiän anto lahjan luatie ihmehruatoja , eryähillä anto parentamisen lahjat , a eryähillä lahjan auttua muita . Eryähillä Hiän anto lahjan olla johtajana ta toisilla lahjan paissa tuntomattomilla kielillä .
29Eihän kaikki olla apostolija .
Ei kaikki olla viessintuojie eikä opaštajie .Kaikki ei šuateta luatie ihmehruatoja .
30 Ei kaikilla ole parentamisen lahjoja .
Ta ei kaikki paissa tuntomattomilla kielillä , eikä jokahini voi šelittyä näitä pakinoja .
31Staraikua šuaha ičellänä kaikista šuurimpie lahjoja ! A nyt mie näytän teilä kaikista parahimman tien .
Myö olemma Hristossan runkon ošie
карельский: собственно карельское наречие
Новописьменный севернокарельский