Тексты
Вернуться к списку | редактировать | удалить | Создать новый | История изменений | Статистика | ? Помощь
Heinäntego
Heinäntego
вепсский
Средневепсский западный
Litoukad otamei
, tagomei , labideižed löudamei , os’olkad löudamei .Mämei pöldile .
Potpilkad pidimei kerdal .
Kivehe jesli litoukan tučkeidamei , sen mö potpilkal ladimei , hijaldamei .
Nitämei longhesei , gäl’ges lounad g’o bapkan roudeižen , malateižen , stuleižen puižen , nu i stuleižel tagomei litoukan , i möst nit’maha .
Gežli peiv čoma , mö heinän šingotamei .
Kelle kut l’ubo .
Erased nitäba , nitäba prokosile i g’ataba sigä tįižeks pejaks .
Tošpejan vįib šingotada haravol , vardel .
Kįivab , ka ehtkįičel satho otamei .
Hörčüd čapamei šompįideke i heinän pamei šompįihe , hot’ kįiv , hot’ toroz .
Satod mugomad sured paamei .
Ižandad oma säkijad , paaba i šompįita , satįižihe muite .
A mijou nügüližed ristitut ka , nügüd g’o šompįihe mö pämei .
Gežli vihm , nece hein ištuse i traviše , kaik hapnob , a gežli kalus pandud , hän nikonz ii traude .
Kalu šompįideke pandud .
Potom neniš kalįišpei otamei i šingotamei valįle heinän , potom kändamei , kerdad koume mö haravil’ kändamei .
Gäl’ges kändandad pidäb g’o sabrasija lat’t’a .
Ez’mäks tuged čapamei , ejäk sigä tugit’ pidäb .
Potom hangod čapamei , nel’ hangod .
Tuged ladimei , potom suron karun kes’kele seižutamei .
Gežli kįiv hein , tazon kalun seižutamei , a gežli märg hein ka šorpįideke kalun seižutadas .
Alle paad oksid’ žerdiš ümbri , potom g’o paad kegon .
Rahvast sit’ panlob ümbri kegod üks’ , tįine sabrasijal topsib – kahten kes’ken .
A lopud (gežli om narodad ) kandišoba satod žerdiižil’ kaks’ mest’ , a kaks’ sigä panloba .
Gežli edahan hein , otamei hebon , čapamei kįivheižed , kaks’ kįivhašt’ , oksikahad .
Hebon val’l’astamei nenihe pįihe , ku regen .
Heinän panlomei oksile i tomei sabrasijale .
A sabrasijale kons tomei , kumeidamei necen heinän , a kons čurha i tįižhe ratkiimei oksad i muga edeleze ajamei .
Potom necen heinän kegoho paaba kaks’ mest’ , paaba i topsiba .
Kegįižen ümbri paaba tuguded .
Edel mö kegįid’ em maltut panda .
Možet i malt’tihe , a kut-se el’nu mugomat svįčkad .
Edel panel’tihe muga : äjan kalįid’ seižutaba nit’ule .Mugažno oksid’ paaba , hangįižid’ seižutaba , sigä nel’ kalud paaba sovile .
Edel sovįl’ , ii kegįiš .
Ku äi g’alos heinäd , ka kümne sovad paaba , pit’kan sabran .
Konz ii äi heinäd , ka ühten soveižen .
Čurha žerdin seižutaba i tįižhe žerdin i vot nečhe promeškaha paaba sabreižen .
Touvel g’ogi kül’mäb , potom hebol tulomei , necen heinän otamei , tomei sareile , regelpei sareile noustamei , a sareil’pei g’o živatįile sötamei .
Heinäntego
вепсский
Средневепсский западный