Тексты
Вернуться к списку | редактировать | удалить | Создать новый | История изменений | Статистика | ? Помощь
Virit’t’iät kolme paret’t’ä
Virit’t’iät kolme paret’t’ä
карельский: собственно карельское наречие
Поросозерский
Virit’t’iät kolme
paret’t’ä , šil’l’ä oven peäl’l’ä pannaa palamaa .Siid’ä n’e hiilet kerät’ää siihi mih tahokkaa , ribuu libo mih tahokkaa .Ni ku muate vierrää , ni pannaa n’e hiil’et , pannaa žirkkalo , pannaa šuga pieluksii dai luvetaa : "Ken olled bogasuužennoi miun , ni tule näid’ä ottamaa pieluksista ".Dai miän čikko še kuotellaa , poltellaa n’e hiil’et da mie olen nuori t’yt’t’ö , tovariššaksi taluu .N’yd lähemmä kod’ii .Hiän ku miun n’ägyvissä ei oliz niid’ä pannun pieluksii ga mie , možet , en oliz ni kuullun ni mid’ä engo olis’ pöl’l’äšt’ynyn .Vanhaššaa vet ei ollun kravat’t’ie , siel’ä yksi kravat’t’i oli , sil’l’ä kravat’illa kel’l’ä oli veikko , ni še veikko magai kravat’illa , a dostalid magazima rivissä lat’t’iella .N’äin on ažutettu gorniččaa sielä Jängärvessä šijoa , šiihi vierimmä muate , dai hiän panou pieluksii , dai siid’ä muataa tuatto , muamo , siin’ä lat’t’iella .Ku kergizimmä vain muate vierrä , oi kun rod’ii kellon , tullaa hebozilla , onhän pannaa se svoad’buloi vaš kellotten , no ni šiihi loaduu on pandu kellod vembelii , i ajetaa , tullaa .Alusta ku loittuna , loittuna , se lähenöy , lähenöy .A hiän miula šanou : "Ko kuulled mid’ä ni elä virka ni mid’ä , no ".Kuulen jo lähet’ää , lähet’ää , ka lähet’t’ii , jo pihalla tuldii .Ka ko pihalla tuldii , da meilä oli veräjässä kol’čča , ka ku avuatten , sidä kol’ččoa ku hel’äytetää ni ku mie ku varrevvuin , pöl’l’äššyin , mamalla šanon : "Hoi mama , ket tuldanou , nouze poiš !", ravahin .Mama ko hypäht’iät , a mama arvai , šanou , kuottelija mid’ä tahokkaa , no .Dai hiän nouzi , dani tulen šai , mäni dai niin uuvveštaa veräjät avoali da niin umbee pani .
Virit’t’iät kolme paret’t’ä
карельский: собственно карельское наречие
Поросозерский