Тексты
Вернуться к списку | редактировать | удалить | Создать новый | История изменений | Статистика | ? Помощь
Šajevarjo
Šajevarjo
карельский: собственно карельское наречие
Новописьменный севернокарельский
Käveli
kerran Jänöni meččyä myöten ta löysi šajevarjon .Kiäntäy piäh , a puun takana Hukka šeisou ta kaččou häneh oikein vihasilla šilmillä .Jänöni pöläšty , ka pakoh on jo myöhäistä lähtie .
– Noušen mie kannon piäh šajevarjon alla , ni Hukka milma šienekši ajattelou .
Niin ni ruato .Šeisou kannon piäššä šajevarjon alla , šilmät pani umpeh , hampahat kolissah kauhušta ta iče ei ni lekahtua ruohi .
A Hukka on jo ihan šelän takana …
Jänösen onnekši nousi oikein šuuri tuuli .Še šieppasi šajevarjon Jänösen kera ta nošti korkiella taivahah .
Jänöni lentäy mečän piällä ta nakrau mielissäh , a Hukka muata myöten juokšou , lujašti henkittäy , kokonah on vaipun .
– Juokše poikkoimpah ! Juokše poikkoimpah !– karjuu hänellä Jänöni ylähyätä . – Ois pitän šiun voimissella , ni poikkoimpah nyt ni juoksisit .
Hukka kaččou , jotta ei voi tavottua Jänöistä .
Hiän poikkoseh juoksi kauppah , ošti šajevarjon , nousi kannon piäh ta vuottau konša tuuli hänet noštau ilmah , kuin Jänösen .Niin ni šeiso iltah šuaten , a tuulomah ei ni ruvennun .
Hukka oikein äijälti šiänty šajevarjon piällä , šentäh kun še ei šuattan lentyä .Hiän otti ta terävillä hampahillah revitti šajevarjon pieniksi kappalehiksi .
Kiänti Valentina Karakina
Šajevarjo
карельский: собственно карельское наречие
Новописьменный севернокарельский