Тексты
Вернуться к списку | редактировать | удалить | Создать новый | История изменений | Статистика | ? Помощь
Toizesta päivästä Roštuota läht’iet’t’ih gul’ašnikoiks
Toizesta päivästä Roštuota läht’iet’t’ih gul’ašnikoiks
карельский: собственно карельское наречие
Панозерский
Toizesta päivästä
Roštuota läht’iet’t’ih gul’ašnikoiksi ...(Taloloissa ) šilma ei tundieta , hyö kävelläh ymbäri siusta , kačotah , sie pualikkazella lossit ...
[Oliko jokahizella pualikka ?] Pualikkaizet jokahizella , gul’ašnikoilla oli pualikkaizet , jotta ei ni ken heitä liikuttais .
[Yritettihkö kaččuo ?] Mindäh že ei !
No , yksi oli Anni Šuarella , ka šehan oli šemmoni , jotta se mäni jokahizelda kiškomah da kaččomah , semmoni oli (nauraa ).
Kun myö läksimmä kerran , meijän Vasken tyttären hiäd oldih enžipiänä , toizena piänä myö läksimä gul’ašnikaksi ...mie , Helmi , miun čikko , sitä miun susseda ...nel’l’än myö mänimä .Mänimmä enžimäksi Iivanan luo , nuoremman vellen luo .Pl’äššimä , Helmi pani vanhat kal’sonat , ukkoh , jalkah ...Yksi oli pärettä , niinko buitto viululla , soittau , a mie olin metsästäjänä , miulla oli pyssy ta siitä niätän škurkka tässä , da kattilani toizessa puolen (nauraa ).[Ihan oikie pyssy ?] No , silloin že oli joka talossa pyssy .
[A piässä mitä oli ?] A piässä oli huilu , lakki piässä da huilu , jotta ei näkynyt ...
No , ta siitä navettaniekka oli , se oli miun nuorin sizär , hiän pani — meijän äiti ruato navetassa — hän pani sen halatin piällä da šuuren fartukan , riibuškat kengät jalkah , da ...
Siitä myö mänimmä taloh .Emändyä eulun koissa , a izändä oli .Myö mänimmä hänen luo ."Terve , terve , tulkua .
No , mitä työ tiijättä , da mitä työ miulla šanotta ".Ni myö ken laulamma , ken pl’ässin , ken mitäi , kaikki hurššit tukkuh panimma .Hiän šanou : "No ket työ oletta , kun mie en tunne , ket työ oletta ?"Emmä myö virkkan ni mitä , jotta ken myö olemma .
No , a sillä aikua tuldih miun velli Vaske da siitä susseda hänen tuldih tože gul’ašnikaks .Vaskella oli kondien se , tal’l’a pandu piällä , sivottu ...[Minä vuonna se oli ?] Se oli viiskymmendä ...
vain kuuskymmendä jo vuotena .[No , näyttelikö hän sitä kondieta ?
Millä tavalla ?] Ka , näytti hän sitä .[Kävelikö hän nelinkontin ?] Käveli da pl’äšši , takajaloillah bringutti (nauraa ).
[Mörisikö vai ?] Ka , no .
Poika oli hänen keralla , sussedan poika , käveli hänen kera .A meitä oli nel’l’ä .A siitä myö jo joukossa kaiken kävelimmä .[Ihan joko talossa ?] Ihan joko talossa !
A silloin tulija ei ollun , näitä , sähkyä , a vain lampat .A muutomassa talossa on rappuzet pität da paharaizad , sieldä sitä ku mutirkallah tulet (nauraa ) ...
[Tekikö ne gul’ašnikat pahuo ?] Ei hyö pahuo , muutomat , vot , kun koikapuolini , hyö šalvattih trubie , no miksi trubat šalvata , vet šiitä kiukua šavuamah rupieu , da kai ...
Ili že näillä , oven piällä pandih , vejettih reki , jottet piäse pirtistä ...vezikorvoja kuattih , da ken mitäki .Peitettih niitä , čunie , tuakše huonehien kunne kaččo pandih peittoh , halkopinoja kuattih , da ...
A siitä kävelläh kuundelomah , nuorizo , naprimer ...siitä lähet gul’ašnikkana , mänet kuundelomah tuoho , kirikön lukkuh , käymmä kuundelomah .Da siitä dorogavierih , missä on nel’l’ä dorogua lähtöy , no siihi is’t’uvvut ...hirven tal’l’an libo min kaččo alla ...Vain ei pie jättyä ni mitä , jotta et kierrä .No , i siitä kuin äijä sopiu siih , is’t’uvvut sen tal’l’an alla i kuundelet .Yksi šiitä veičen kera kiertäy sen , jotta ei meččähäni tuliz da ei veiz ...siitä kiertäy , da lukou sitä mitä lukonou sielä .No , a siitä sen veičen pistäy lumeh , jotta kuni kuulumah rupieu , ku kuuluu ... jottei ni ken tulis sinne liikuttamah , häiriččömäh .No , ni siitä kellä mitä kuuluu .Kellä kuuluu jesli sielä d’yvyä kylvetäh , se bohatta lienöy ...kellä kuuluu mistä päin kričkuttau tulla kylmissä kengissä , sinne päin se mänöy miehellä ili sieldä päin tulou hänellä se ukko-päiväni lienöy (nagrau ).
Toizesta päivästä Roštuota läht’iet’t’ih gul’ašnikoiks
карельский: собственно карельское наречие
Панозерский