Тексты
Вернуться к списку | редактировать | удалить | Создать новый | История изменений | Статистика | ? Помощь
A etkö sie muista sellaista luvettih vielä ”Mikä yksi?”
A etkö sie muista sellaista luvettih vielä ”Mikä yksi?”
карельский: собственно карельское наречие
Вокнаволокский
— A
etkö sie muista sellaista luvettih vielä "Mikä yksi ?"
— A še on šemmoni , kuulehan , männäh avannolla .
— Konsa se männäh ?
— Vieristänä .
Vähäistä ennen uutta vuotta .Männäh , sieltä tulou vejen oma ta antau siula voprossat .
— A mimmoni se on se vejen oma ?
— En mie ole nähnyn .
Mie vain olen kuullun .
- A onko ne akat nähnyn ?
- En mie tiijä .
Še noušou , antau voprosat .Jesli sie et šuattane , niin hän siulta piän ottau . No .Šiitä pitäy sih vielä varuštautuu . No .
- A miten se varuštautuu ?
— Ka se niin , jotta kyšymykšet ken ni vanhuš šiula šanou , siitä lähet sieltä no .
Hiän šanou , vetehini šanou :
— Mikä yksi ?
— Minä tässä .
— Mikä kaksi ?
— Silmät piässä .
— Mikä kolme ?
— Pannussa jalkua .
— Mikä nellä ?
— Lehmän nännie .
— Mikä viisi ?
— Härkkimessä čorkkua .
— Mikä kuuši ?
— Rejessä kaplašta .
— Mikä šeiččemän ?
— Otavašša tähtie .
— Mikä kahekšan ?
— Tynnyrissä vannehta .
— Mikä yhekšän ?
— Yhekšän reikyä ihmisessä .
— Mikä kymmenen ?
— Kymmenen kynttä varpahissa .
A etkö sie muista sellaista luvettih vielä ”Mikä yksi?”
карельский: собственно карельское наречие
Вокнаволокский
—
Не помнишь ли такого, когда читали ещё «Что один?»
русский
—