Тексты
Вернуться к списку | редактировать | удалить | Создать новый | История изменений | Статистика | ? Помощь
Iivananpäivy piettih joga kyläs
Iivananpäivy piettih joga kyläs
карельский: ливвиковское наречие
Сямозерский
— Iivananpäivy
piettih joga kyläs , se oli proazniekku joga kyläs , a juhlahat piettih kai matkattih sinne rahvas sinne Lamminselläl Iivananpäiväh . Händy kaikkien proaznuittih , a joga kyläs od’d’el’no .
Iivananpäivy se oli Lamminselläl .Illoil bes’odat laittih , tansit , bes’odat .Sit yöl lähtiettih tuldu poltamah .Laittah , mennäh korgiel mäil , sit nečidägoi , tuli laittah suuri-suuri kostru , sit peäliči hänes hypitäh , neidizet da brihat lembie nostetah .Ellendätgo ?
— No , no , no .
— Lembie nostamah , dai myö tyttönny olles kävyimö toze Rupčoih Iivanan yöl . Joga kyläs käydih lembie nostamah .Peäliči tules hypimmö , sit vai kapsahutammo .Sit vai koputus menöy .Brihat dai neidizet .
— Oligo suuri tuli ?
— Suuri , suuri tuli . Menemmö suurel mäil da sit .
— Se tytöt vai ?
— Tytöt , dai pojat , kai .
— Kaikki ?
— Kaikki .
— A mih aigah ? Yöllä vai ?
— Yöl , yöl , keskiyön aigah , kahtentostu aigah . A Lamminselläl vit’ joga vuottu sie piettih tože sie oli mägi suuri dorogal poltettih kostroa .Se ennen oli moine moodu .A nygöi nämin vuozien jo eule , ei kävvä , a ennen oli .Vie myö tyttönny olles vie kävyimö tyttönny olles .
— A muččoinu olles ?
— Muččoinnu en . Ei pidänyh lembie nostoa .Se Iivananpäivän yöl .A sit gu tulou Iivananpäivy , päivy se , juhla , proazniekkupäivy , sit šuuriemmo kaikkien , sid menemmö Lamminselläl , kunna se on proazniekku .Dai toizet proazniekat muga on .Sit menemmö sinne huondekses ajammo proazniekkah .Sie ollah bes’odat , sie , kačo , omoa on kaikkiel .Sit bes’odas olemmo päivän da ildubes’odu vie laittah , päivybes’odu .Tansuičemmo brihoin , neidizien kel .Illal uvvessah ildubes’odu laittah , da tože kävymmö sinne tansiloih .Sit kodiloih järilleh yöl .
— Kävyittögo kirikköh ?
— Kirikköö sih aigah , meijän aigah , euluh . Kiriköt johäi kai hävitettih .
— I časovnat ?
— Časovnat seizottih , ga ei časovnah käydy , sie eigo olluh midä . Časovnah ei käydy sil aigoo , eigo olluh pappiloi , papit jo kai tožo ...Meijän aigah , konzu myö tyttönny olimmo , euluh sidä mooduu , štobi časovnah kävvä .Net kai hävitetyt oldih .
— Midä vuottu sinä olet ?
— Minä olen tritsaatoidu vuottu .
— A etgo musta konzu loputettih se tulen poltandu da ? Minnä vuodena ?
— No minä vie tyttönny olin , vie , kačo , vie vähäizel , nečidägoi , käydih . Myö kävyimö .
— Voinan jälgeh ?
— Voinan jälgeh , da , vie sie endisty akat gu meile kerrottih da kai lähtemmö sinne Iivananpäivän poltamah ... Nenga sanottih , što kokkoa poltamah , vai kui lienne sanottu .
— No , kokkuu poltamah .
— Kokkuu poltamah . Sit järgieh jo , naverno , i loppiettih .Jälles voinoo vie vähäine sie oli , jälles enämbi ei olluh .Ennen , kuni minä miehel menin , ga ennen loppevuttih .
Iivananpäivy piettih joga kyläs
карельский: ливвиковское наречие
Сямозерский