Тексты
Вернуться к списку | редактировать | удалить | Создать новый | История изменений | Статистика | ? Помощь
Kehitändät
Kehitändät
карельский: ливвиковское наречие
Новописьменный ливвиковский
1 Ga
sit , vellet minun , kudamii minä suvaičen da atkaloičemmos , työ , minun ilo dai kunnivovenču , pyzykkiä lekahtamattah Ižändäs , armahat !
2 Kehitän Jevodiedu da kehitän Sintihiedu elämäh sobuh Ižändän täh .
3 Kyzyn sinuugi , minun surematoi ruadovelli , avvuta nämii naizii , kudamat yhtes minunke torattih jevangelien puoles , muga kui torattih Klemens da toizet minun ruadovellet , kudamien nimet ollah elaijan kniigas .
4 Piekkiä ainos hyviä mieldy Ižändäs ! Uvvessah sanon : piekkiä hyviä mieldy !
5 Anna teijän vačan pehmehys tiijustetah kai rahvas . Ižändy on lähäl .
6 Älgiä huolikkua nimidä , a avakkua ainos Jumalale , midä teile pidäy , molijen da pakiten kiitändänke . 7 Sit Jumalan rauhus , kudai on korgiembi kaikkie ristikanzan ellendysty , kaččou da vardoiččou teijän syväindy da teijän mielii , i työ pyzyttö Hristosas Iisusas .
8 Da sit vie , vellet , sanon : duumaikkua kaikkie , mi on tozi , mi on čestis piettävy , mi on oigei , puhtas , suvaittavu da hinnois piettävy , mi vai on hyvä da midä maksau kiittiä .
9 Ruadakkua sidä , midä opastuitto da otitto minus , midä minus kuulitto da näittö . Sit rauhan Jumal on teijänke .
Kehitändät
карельский: ливвиковское наречие
Новописьменный ливвиковский