ВепКар :: Тексты

Тексты

Вернуться к списку | редактировать | удалить | Создать новый | История изменений | Статистика | ? Помощь

Hristosan žertvu hävittäy riähkät

подкорпус: библейские тексты

Источник:
Uuzi Sana, 2003, с. 283-284

Kirjaine Jevreilöile

Hristosan žertvu hävittäy riähkät

карельский: ливвиковское наречие
Новописьменный ливвиковский
23 I gu taivahallizien kuvat pidäy puhtastua nenga, ga sit iče taivahallizet pidäy puhtastua vie parembil žertvoil miku elättilöin veri.

24 Hristoshäi meni, ei ristikanzan käzil luajittuh pyhäkodih, kudai on vai tozi pyhäkoin kuvahaine, a meni ihan taivahah, gu jiäviekseh nygöi Jumalan edeh pagizemah meis tuači. 25 I ei mennyh sikse, gu andua iččie žertvakse moneh kerdah, muga kui ylimäine pappi joga vuottu menöy Kaikispyhimäh vierahan verenke. 26 Muitehäi Hristosal pidänys äijy kerdua muailman luajindas tirpua kuolendugor՚at. No Häi jiäviihes nygözeh muailmah vai kerran, nygöi, aijoin agjas, gu hävittiä riähkät oman veren hinnal.

27 Joga ristikanzal pidäy kerdu kuolta, a sit rodieu suudo. 28 Mugai Hristos, kudai oli annettu žertvakse kerran ilmazekse ijäkse, gu ottua iäre kaikkien riähkät, tulou toizen kerran, ei riähkien täh, a piästämäh niilöi, ket Händy vuotetah.

10
1 Zakon on tulieloin hyvyzien kuvahaine. Se kuvahaine ei ole iče hyvyöt. Sikse Zakon nikui ei voi joga vuottu tuodavil yksil samazil žertvoil luadie ihan hyväkse niilöi, kudamat tullah Jumalan edeh.

2 Eiga jo heitettänys niilöin tuondu, gu kai sluužbas olijat jo oldus puhtastuttu kerran ilmazekse ijäkse, i hyö ei tundiettas omas henges nimittumua riähkiä.

3 No žertvat joga vuottu mustoitetah riähkis, 4 sendäh gu häkkilöin da kozlien veri ei voi piästiä ristikanzua riähkis.

5 Sendäh Hristos sanou muailmah tulles: Žertvoi da lahjoi Sinä et tahtonuh, no rungan Minule luajiit.

6 Poltožertvat da riähkien täh annetut žertvat ei oldu Sinule mieldy myö.

7 Sit Minä sanoin: Kačo, Minä tulin täyttämäh Sinun tahtuo, Jumal, muga kui on kirjutettu kniigas Minuh niškoi.

8 Enzimäi Hristos sanoi: "žertvoi da lahjoi, poltožertvoi da riähkien täh annettavii žertvoi Sinä et tahtonuh, net ei oldu Sinule mieldy myö", hos Zakon käsköy niilöi tuvva. 9 No jälles sidä Häi ližäi: "Kačo, Minä tulin täyttämäh Sinun tahtuo". Nenga Häi kumuau net käskyt, gu panna sijah Jumalan tahto.

10 Tämän tahton mugah meidy on puhtastettu riähkis kerrallizel žertval, konzu Iisus Hristos andoi oman rungan.

11 Joga pappi joga päiviä seizou vedämäs sluužbua da tuou kerdu kerral net samazet žertvat, kudamat nikonzu ei oteta iäre riähkii.

12 A Hristos andoi rahvahan riähkis yhten žertvan, oman hengen, i sit istuihes ilmazekse ijäkse Jumalan oigiele čurale. 13 Sie Häi vuottau, kuni Hänen vihaniekkoi pannah Hänen jalloin alle.

14 Häi jo yhtel žertval ilmazekse ijäkse puhtasti riähkis net, kudamat Häi jiäksiy Jumalale.

15 Sih niškoi sanelou meile i Pyhä Hengi. Enzimäi Häi sanou: 16 – Tämän sovun Minä luajin heijänke nämien päivien jälles, sanou Ižändy: panen Minun zakonat heijän sydämih, kirjutan net heijän mielih. 17 Sit vie sanou: – Heijän riähkii da pahoi ruadoloi en musta enämbi.

18 A kus riähkät on prostittu, sie riähkien täh ei pie tuvva žertvua.

Послание ап. Павла к Евреям. 9:23-28 - 10:1-18

русский
23 Итак образы небесного должны были очищаться сими, самое же небесное лучшими сих жертвами.

24 Ибо Христос вошел не в рукотворенное святилище, по образу истинного устроенное, но в самое небо, чтобы предстать ныне за нас пред лице Божие, 25 и не для того, чтобы многократно приносить Себя, как первосвященник входит во святилище каждогодно с чужою кровью; 26 иначе надлежало бы Ему многократно страдать от начала мира; Он же однажды, к концу веков, явился для уничтожения греха жертвою Своею.

27 И как человекам положено однажды умереть, а потом суд, 28 так и Христос, однажды принеся Себя в жертву, чтобы подъять грехи многих, во второй раз явится не для очищения греха, а для ожидающих Его во спасение.

10
1 Закон, имея тень будущих благ, а не самый образ вещей, одними и теми же жертвами, каждый год постоянно приносимыми, никогда не может сделать совершенными приходящих с ними.

2 Иначе перестали бы приносить их, потому что приносящие жертву, быв очищены однажды, не имели бы уже никакого сознания грехов.

3 Но жертвами каждогодно напоминается о грехах, 4 ибо невозможно, чтобы кровь тельцов и козлов уничтожала грехи.

5 Посему Христос, входя в мир, говорит: жертвы и приношения Ты не восхотел, но тело уготовал Мне.

6 Всесожжения и жертвы за грех неугодны Тебе.

7 Тогда Я сказал: вот, иду, как в начале книги написано о Мне, исполнить волю Твою, Боже.

8 Сказав прежде, что "ни жертвы, ни приношения, ни всесожжений, ни жертвы за грех, — которые приносятся по закону, — Ты не восхотел и не благоизволил", 9 потом прибавил: "вот, иду исполнить волю Твою, Боже". Отменяет первое, чтобы постановить второе.

10 По сей-то воле освящены мы единократным принесением тела Иисуса Христа.

11 И всякий священник ежедневно стои́т в служении, и многократно приносит одни и те же жертвы, которые никогда не могут истребить грехов.

12 Он же, принеся одну жертву за грехи, навсегда воссел одесную Бога, 13 ожидая затем, доколе враги Его будут положены в подножие ног Его.

14 Ибо Он одним приношением навсегда сделал совершенными освящаемых.

15 О сем свидетельствует нам и Дух Святый; ибо сказано: 16 Вот завет, который завещаю им после тех дней, говорит Господь: вложу законы Мои в сердца их, и в мыслях их напишу их, 17 и грехов их и беззаконий их не воспомяну более.

18 А где прощение грехов, там не нужно приношение за них.
Сайт создан сотрудниками Карельского научного центра Российской академии наук
Вы можете свободно использовать материалы нашего сайта и делиться ими, главное — указать авторство и ссылку на наш ресурс.
Подробнее о лицензии CC BY 4.0
© VepKar. Открытый корпус вепсского и карельского языков