Тексты
Вернуться к списку | редактировать | удалить | Создать новый | История изменений | Статистика | ? Помощь
Libertsova Jekaterina . LEIBY
Libertsova Jekaterina
LEIBY
карельский: ливвиковское наречие
Новописьменный ливвиковский
"Leiby
kaiken mieron syöttäy ", –
Nenga enne sanottih .
Sentäh päčis lebiä kiistai
Joga talois pastettih .
Illal taigin varustettih ,
Tahtas ruttoh sevoitettih ,
Lujah käzil survottih ,
Lämmäh kohtah nostettih ,
Käzipaikal katettih .
Taigin koivulaudazis ,
Puhtahis , valgiezis
Nerokkahasti luajittu ,
Pajuvarval sivottu .
Jauho hyvin sieglottu ,
Vezi kaivos kannettu .
Kuni tahtas nouzi ,
Duuhu pertis kulgi ,
Lapset rauhah uinotti ,
Pahat mielet karkotti .
Emändäine huondeksil
Taiginan piäl čopotti –
Joga leivän kämmenil
Pyöryžäkse silitti .
Leivät räkes pastuttih ,
Labjal net päčis otettih ,
Lavvale rinnai lad’d’attih ,
Pereh syömäh kučuttih .
Lapsil kan’n’oi leikattih ,
Kodivoidu čökättih .
Maiduo kuppih valettih –
Täs huondesvero syötettih .
Sidä unohtannuh emmo ,
Meidy leiväl kazvatettih ,
Suuruspalal opastettih ,
Magieh kokoih harjaitettih –
Taiginbuabat olemmo .
Suvaiččijat livvin kielen
Yhteh nygöi kerävyimmö ,
Alavoizen taigin -nimen
Kummallizen panimmo .
Ozutelmii varustammo ,
Kuda-midä kirjutammo ,
Pagizemah kerävymmö ,
Muamankieldy kannatammo .
LEIBY
карельский: ливвиковское наречие
Новописьменный ливвиковский