Тексты
Вернуться к списку | редактировать | удалить | Создать новый | История изменений | Статистика | ? Помощь
Aleksandr Kräkkijev. KEVIÄL
Aleksandr Kräkkijev
KEVIÄL
карельский: ливвиковское наречие
Новописьменный ливвиковский
Tiähtilöinke
kylmy taivas –
lammaskarju tobju .
Pilvivuonii paimendamas
širpikuudam hobju .
Taivois kirboi lundu sagieh ,
pakkaine toi viluu .
Kondii imöy kynty magieh ,
kondožikos viruu .
Höröstynnyh pitkäh uneh
sygyzyl myöhähköh ,
palties kuadunuon puun tyveh
syönnyheze öhkäy .
Onnuako ruvetah duuhut
ärzyttämäh keviäl .
Veres mahlu koivupuuhuon
tulou hurtan nenäh .
Leveiočču herky vainuu
hyllätä kous kangas ,
pahmas vajattajas painuo
viritetys anzas .
Ilos kevät , huoristunnuh ,
šeikkailou kus puuttuu .
Luhtazikse hözistynnyh ,
lumirukku muuttuu .
Sulanuh hangi ojinnu
vieröy siniloistos
kivikös čurčettajinnu
emäjogeh loitos .
Järves jiä vie hätken kandau .
Niityl kulovunnuol
mečäkkähän vezirannan
kivostu vie ynny .
Avuamas kevätty kukkien ,
kazvoittuo jo ehtii ,
ažno kaksi kuudu kukkii ,
sarral leskenlehti .
A jälles pienen vihmazen
päivypastosijois
jo nostih ijiet hil’l’azeh ,
aidu on kai šiilois .
"Hyväh sobuh lämbyy leppy ,
pahah kadai katkieu ."
Luondo suvaiče ei hoppuu ,
riähky sidä matkie .
KEVIÄL
карельский: ливвиковское наречие
Новописьменный ливвиковский