Тексты
Вернуться к списку | редактировать | удалить | Создать новый | История изменений | Статистика | ? Помощь
Pieni Natti
Pieni Natti
карельский: собственно карельское наречие
Новописьменный севернокарельский
Pieni
intiaanityttö Natti oli oikein kaunis .Kaikki mečänelukat tykättih häntä lämpimäštä muhahukšešta ta hyväštä luonnošta .
Nattie miellytti ajella jokie pitin kanootilla .Matkuštelujen aikana tytön kera aina leikittih pienet kalat , hänen yštävät .
Natti eli oikein onnellisešti .Elukat kilpua ečittih kaunehimpie kukkie tyttyö varoin .Mečäštä Natti aina tuli kaunehen kukkakimpun kera .Elukat aina lahjotettih tytöllä mitänih , šentäh kun hiän liäkičči elukkoja , konša ne kipeyvyttih .
Kerran Natti parenti etonua , kumpasella oli viännytty šarvet .Äkkie tytön luo juoksi jänis .
– Mitäpä šiula , Hyppelijä ? Mitä olet niin pöläštyn , huoleštu Natti .
– Auta meitä , Natti , ole hyvä !
Jänis kerto tytöllä , jotta meččäh tuli mečäštäjä pyššyn kera .Natilla nouštih kyynälet šilmih , konša hiän ajatteli , kuin äijän pahua voit ruatua vihani mečäštäjä .A konša tyttö näki , jotta mečäštäjä ampu lintusella jalkah , ni karjahti hänellä :
– Oletpa šie julma !Puitto šilma miellyttäy kiušata šuojattomie lintuja ta elukkoja ?
Mečäštäjällä tuli huikie , hiän paino piäh alaš ta šano :
– Šie olet oikiešša , mie konšana enämpi en rupie ruatamah pahua .
– Još šie šanot totta , ni vinnua pyššy jokeh ! käški Natti .
Mečäštäjä niin ni ruato , ta kaikki elukat ta linnut ihaššuttih .
Täštä päiväštä mečäštäjä ketänä ei kiušannun .Hiän rupesi auttamah Nattie .Yheššä mečäštäjä ta tyttö niin hyvin parennettih huavotettu lintuni , jotta kohta še jo ilosešti lenteli šiniseššä taivahašša .
Pieni Natti
карельский: собственно карельское наречие
Новописьменный севернокарельский
–
–