Тексты
Вернуться к списку | редактировать | удалить | Создать новый | История изменений | Статистика | ? Помощь
Kontien opaššuš
Kontien opaššuš
карельский: собственно карельское наречие
Новописьменный севернокарельский
Ka
kun mečäššä eläy kontie .Vanha kontie eläy ta hänellä on poikani , jo šemmoni ihan šuurekši kašvan .Yheššä on eletty .Ni šiitä še kontie poikaistah opaštau :
– Kun lähet kulkomah , ni kierrä mieštä .Elä šatu mieheh kohti , še ei ole hyvä .
A še poikani ajattelou :
– Vain heti miun pitäy šuaha i nähä , jotta mityš še on še mieš oikein .Kun šitä miunki pitäis varata , miehän jo olen šuuri ta väkövä .
Ta lähtöy matkah .Mänöy tietä myöten , aštuu .Tulou hänellä poika vaštah .Šemmoni vašta pienoni , kymmenvuotiniko mi .
Šanou še kontie pojalla :
– Oletko šie mieš ?
– En mie ole mieš . Mie olen vašta miehen alku .
No , aštuu še kontie ielläh .Ei šitä poikua liikuta eikä i mitänä .
Tulou harmuapiä ukko vaštah .Šanou še kontie ukolla :
– Oletko šie mieš ?
– Oi ! En mie ole mieš .Mie olen jo miehen loppu .
No heittäy šen ukon rauhah ta lähtöy ielläh .Jotta mieš še pitäy löytyä .
Tulou šotamieš vaštah hänellä .Kyšyy šiltä šotamieheltä :
– Oletko šie mieš ?
– Ka mie olen mieš .
Še ottau miekan vyöltäh ta šillä kontieta piekšäy , hošou , hošou .Vähälti šilmie ei puhkua .Viimein ampuu kontieta oččah .
Kontienpoika šitä kyytieh pakoh juokšomah ta mänöy muamoh luo itun keralla .
– No , jo olet onnakko miehen ni nähnyn ?
– Ka nävin . Enšin tuli vaštah miehen alku .Šiitä tuli miehen loppu .A šiitä kun tuli mieš , ni še šilitteli , šilitteli miun näkyö ta vähälti ei šilmie puhkua .Viimein šylki šilmillä .En ijäššäh enämpyä šillä vaštah lähe kulkomah omalla mielelläni .
Še kontie-muamon opaššuš oli šemmoni .Ei ollun mitä männä , kun kerta varotettih , jotta mieštä pitäy varata .
Šen pivuš ni starina .
Kontien opaššuš
карельский: собственно карельское наречие
Новописьменный севернокарельский
–
–
–
–
–