Тексты
Вернуться к списку | редактировать | удалить | Создать новый | История изменений | Статистика | ? Помощь
Hüvä niičukaine Varvei
Hüvä niičukaine Varvei
вепсский
Северновепсский
Eletihe koumen
sizaresed .
Üks’ oli Redu-varvei .
Ei käunu hän nikuna , päčil vaise venį .
Toižed nened sizared käutihe bolha da sen’he .
Nece Varvei päčilpei mäb mödha heileze sen’he .
Händast ei navettud sizared sousim .
Nene sizared siga bol poimdihe , da sen’t , da mida puutub siga kogotihe .Nece Varvei d'o kodihe teravaidešti d'oks’ tulda edel heid .
Tuli dei päčile mäni , rouk .
Nene mödha tuld'he sizared , kodihe d'o tuld'he senespei da bolaspei .
– Toittįk , sizared , sened da , bolad da ? – nece Varvei küzub päčilpei .
– Oi , ištu , Redu-varvei , päčil , eika ... – i pekstaze händast sinna .
Toižel homesel möst lähttihe nene sizaresed .
Hän sanub :
– Otkaskep mindei , sizared !
– Oi , nena tule silei , Varveile .
Kuna sindei otam ?
Ištu , kacu , päčil .
Lähttihe nene sizared , i hän mödha .
Mänd'he , mänd'he nene sizared ka lambhaine venub brodus .
– Oi , čikuskod , lekatskep mindei .
– Oi , venu , nena tulgha silei , venu siid !
Sobid brodusteitmaha , sindei lemmaha em tulgei .
Vähäine mänd'he , ka ukeine venub .
– Oi , čikuškod , neičukaižed , lekat-skep mindei .
– Oi , em lekei dai , venu siga , sobid brodusteitmaha em tulgei .
Nügudi nece Redu-varvei se proidub .
– Lenda-skep mindei , sanub (lambhaine ), – tüttü !
Hän i lend’ necen lambhaižen broduspei .
Vähäižen mäni , ka ukeine venub .
– Oi , tüttü , lenda mindei !
Händast möst lend’ .
Hän kodihe edelpei d'oks’ nece Redu-varvei i päčile möst .
Sizaresed tuld'he nügudi sigapei , bolaspei da senespei .
Sanutaze hänele :
– Redu-varvei , homen liinob cerkov , a sina päčil venud .
Homen lähtoba sizaresed cerkvaha , sädaze .
– Oi , otkatskep , čikuškod , mindei cerkvaha .
– Oi , kuna otam Redu-varvein cerkvaha , stramun ningoman !
– Oi , algei otkei , otkat sana tagaze , algei vaise pekskei .
Nece Varvei mödha lähtob cerkvaha .
Mäni Varvei , kivudehe painei , hänele sigapei ukeine lübį , hänele andei sobad
kuldmasiižed .
Varvei mäni cerkvaha .
Ei ni papp pajata , ni služkei ei , kaik neche adivoho kactaze .
Nece neižne Varvei punalzihe teraveidešti cerkvas edel rahvast i läks’ , höbole raccile ištįihe i kodihe ajamaha läks’ .
Ned sizared mäba d'o edel händast , edel hebon .
Heid ümbärz’ , heileze andei kunutal čvikun , painei mougotile , ühtele i toižele .
Tuli nece Varvei kivudenno , kivudehe paini , höbon sihe dätt’ , iče riičihe dai sobad sihe dätt’ möst .
Tuli dai möst päčile iče mäni .
Sizared tuldhe .
– Avoi , Redu-varvei , täambei adiv oli cerkvas , kuldmasiižis sobiš oli . Papid ni ked ei sluuštud , kaik hänehe kactihe .
– Enįk libo mina olnu ? – Varvei-se sanub .
– Oi , nena silei ehti , sinak ningitte olid ? – möst händast i pekstaze päčile .
– Homen , sanub , – völ liinob cerkov .
Nened möst lähttihe cerkvaha .
– Otkatskep , sizared , mindei täambei .
Nece Varvei möst läks’ mödha cerkvaha .
Nece Varvei möst mäni , kivudehe painį , hänele andei tähthasiižed plat't'ad .
Varvei möst raccile ištįihe , möst cerkvaha ajei .
Mäni cerkvaha , ka möst kaik cerkov siga kaku süttį , mugomiš sobiš .
Nece Ivan-carevič ot't’ i tervaz’ lavan cerkvas , siid kus nece adiv seižub .
Necil adivol koluš sihe i däi .
Nece Ivan-carevič sormusel imännijal painį , ocha necile adivole .
Cerkvaspei lähttihe .
Nece adiv möst raccile ištįihe , ajei .Nenid sizarid möst ümbärz’ : ühtele andei čvikun , toižele čvikun .Riičalzihe i möst päčile mäni .
Sizared tuld'he d'o cerkvaspei .
– Avoi , Redu-varvei , täambei oli adiv , nuka kaik hänen päle i kactihe .
Nece Varvei-se sanub :
– Enįk libo mina olnu ?
Händast möst peksta zavottihe , roukad , päčile .
– Oi , algei pekskei , otkat sana tagaze .
Varveil occ se kär’dud .
Sizared sanutaze :
– Mikš om silei , Redu-varvei , occ-se kär’dud ?
– A senes olin , sanub , – da satatin ocan .
– Täambei , sanub , – Ivan-carevič kaiktä eccib . Kuule min , tervanu oli kolušin , ka kaikile oli probįinu d'ougįihe , ni kelle sättu ei .
Nügut tulob mijale nene kolušid probįimaha .
Nece Ivan-carevič sida mehele ottab , kelle koluš sättub .
A Varveil siga päčil kohtun pakutab .
Tuli (Ivan-carevič ), nenile kahtele sizarele i probįi kolušin , ei god’nuze heile , eilä heide d'ougad möto .
– Ken völ om teil päčil ? – nece Ivan-carevič sanub .
– Oi , meide siga om Redu-varvei päčil , ala hot'a kärde !
– Ei , sanub , – pidab lasketada .
Varveid päčilpei lasketethe .Hänel occ kär’dud .Necen kolušin probįi Varveile d'ougha , vokurat Varveile .
Ottihe Varveil occ riičtihe .Nece Ivan-carevič terveht’ händast risthaze , pel'gastį : pidab mehele ningitte otta .
Nece Varvei sanub Ivan-carevičale :
- Ištu naku .
Nece Varvei mäni lagedaha pöudho , vihändaha normhe , kivudehe painį risthaze .
Höbo tuli , kartina do togo , ka hänen päle i kacta .
Nece da Varvei sädihe da do togo adivoks .Raccile ištįihe höbole , ajab carin dvorcha , carin pert'he .
Siga d'o car’ da Ivan-carevič da vastataze händast .
Vödhe händast pert'he , ka muga käzipoliš i vöd'he .
Adiv , ka päle i kacta .
Nenid sizarid kuctihe svad'baha .
Svadib vät'he dai täambei siga eletaze .
Kaik , enamb nimida .
Hüvä niičukaine Varvei
вепсский
Северновепсский
–
–
–
–
-
Добрая девочка Варвей
русский
–
–
–
–
–
–