Тексты
Вернуться к списку | редактировать | удалить | Создать новый | История изменений | Статистика | ? Помощь
Vel'l' i sizar
Vel'l' i sizar
вепсский
Северновепсский
Ende
oli ukk da akk .
Necel ukol da akal old'he poig da tütär .
Nece mamm koliškanz' .
– Tulgat , sanub , – poig da tütär , tänna minunno .
Kacu , mina kolen , ka üks’ küzugat ühtel , toine toižel .
Nece tütär ištį vaise komnatas stöklovijas , nimida ii ranu .
Nece poig kävi mecnikįile , lindįid sai da mida puutub .
Nece poig nai , ot't’ jägi-baban tütren mehele .
Murzäin nece kohtištį , da rodi prihäižen .
Nece vel'l' mecha läks’ , mäb , küzub :
- Čikuško , ka mina läksin .
– Mä , mä , veikuško .
Nece murzäin ei navednu necida nadod ni vuus'o .
Hän ištį siga vaise da sei , da d’ei .
Nece murzäin mäni dei lehmän tanhal pus’k .
Nece vel'l' tuli mecaspei i sanub :
– Zdrasvui , čikuško .
– Zdrasvui , veikuško .
– Hiväl čikuškol da hiväl veikuškol üks’ parahim lehm oli i sen pus’k .
– Mina liinen , ka i lehm liinob , – nece vel'l' sanub .
Nece vel'l' möst homesel läks’ mecnikįile .
– Nu , čikuško , mina läksin .
– Mä , mä , vellüško .
Nece murzäin mäni da parahim ubeh oli , dai sen pus’k .
Nece vel'l' tuli kodihe ka :
– Zdrasvui , čikuško .
– Zdrasvui , veikuško .
Ka hän teda nimida ei ...
Nece vel'l' sanub :
– Nene vigad prosttud , mina liinen , ka i höbo liinob .
Vel'l' ön magadab i möst lähtob mecha .
Nece murz'ain d'o ičeze rožonįjan lapsen pusknu .
Nece vel'l' tuli ka :
– Zdrasvui , čikuško .
– Zdrasvui , veikuško .
– Ka hiväl čikuškol , ka hiväl veikuškol üks’ oli rožonįi ka sen pus’k .
Nece vel'l' sizarenno mäni sinna ka sanub :
– Sizar’ , säte , lähkam praznikale .
– Miččehe , veikuško , sätaze ?
– Mustįhe , sanub , – säte .
Nece vel'l' höbon val'l'ast’ , sizaren ištut’ kord'ha i lähttihe .
Ajetihe ka , ajetihe ka , ajetihe ka ...
– Nakhu rikta , ka koirad nuttaze , rahvaz käutaze , lindud letaze .
Völ ei riknu sihe , völ läks’ edeleze .
Ajei ka , ajei glušhe strašnijaha , orgho , höbon azot’ .
– Lähte kord'aspei , sizar' .
Kord'aspei hän läks’ , händast rikoškanz’ .
– Veikuško , mii mindei rikta , ka čара milei käded da d'ougad , sido paik sil'mile i pästa mindei .
Nece vel'l' čapei d'ougad i käded i händast i dät't’ sihe .
Hän iče höbon känd’ i kodihe .
Vel'l' nece tuli kodihe ihästusiš , murz'ain ihästunu , eletaze .
Nece neižne d'oda tahtįiškanz' lujas .
Hän lovaiž ka , lovaiž lutuškįil-ni , rouk .
Tuli , tuli ka kaiveine .
Hänele d'oda tahtįiže , voikab .
Hän kaiveižes läheli mäni .
Hän voikab kaivoröunal .
Sigapei lübį i sanub :
– Anda käzi .
Hän sanub :
– Min mina andan ?
Käzid milei eilä .
– Čokeida tänna lutįšk !
Hän i čokeiž .
Hänele käded i andei .
– Anda i d'ougad , sanub , – tänna .
Hän i d'ougad čokeiž sinna .
D'ougad andįi hänele d'umal .
Nece neižne kodihe läks’ .
Mäni ka taričeze necen vellenno da nevestkanno öks .
Mil'l'-se ei pästa ohotas , vel'l'-se päst’ .
Nö ei tuntkei .
Nece pästtihe öks ka händast d'ottihe i söttihe .
Nece vel'l' i sanub :
– Midani tedad bįvalščinįid sanuda ?
Nece neižne sanuškanz' ičeze pobedad , sanub , starinįičob ičeze kaik :
- Ende oli ukk da akk , necel ukol da akal old'he tütär da poig .
Nece mamm koliškanz' .
– Tulgat , sanub , – poig da tütär tänna minunno .
Kacu , mina kolen , ka üks’ küzugat ühtel , toine toižel .
Nece tütär ištį , vaise komnatas stöklovijas , nimida ei ranu .
Nece poig kävi mecnikįile , lindud sai da mida puutub .
Nece poig nai , ot't’ d'agi-baban tütren mehele .
Murz'ain nece kohtištį da rodi priheižen ...
Muga i starinįičob kaiken .
Mil'l' sanub :
- Tühd’ , tühd’ !
Nece vel'l' händast sidei ubehele händha , akan sidei , päst’ lagedaha pöudho , vihändaha normhe .
Kuna necil akal d'oug – sihe kouk , kuna käzi – sihe harav , kuna perze – sihe turbaz , kuna pä – sihe kal'l' , kuna pinž – sihe so , kuna sil'm – sihe sil'mlähte .
Vel'l' i sizar
вепсский
Северновепсский
-
–
–
–
–
–
–
–
–
-
-
Брат и сестра
русский
–
–
–
–
–
–
–
-
–
–
–
–
-
–