Тексты
Вернуться к списку | редактировать | удалить | Создать новый | История изменений | Статистика | ? Помощь
Nasten'ka-nevest
Nasten'ka-nevest
вепсский
Северновепсский
Ende
eletihe ukk da akk .
Ukol da akal oli tütär i poig (nimid teda en ).
Oli prihä tulnu toižiš maišpei aštjiid tehmaha .
Nece prihä necen neiččenke i oznakomihe .
Nu , batt’ da mamm koliškathe ka sanutaze prihäle :
«Poig , ala anda sizart edahaks mehele .»
Nu , nece sizar’ i sanub :
«Vs'o ravno män , koume vott olen d'o oznakominuze , en küzu , män .»
Nece prihä i läks’ rodn'ad keramaha ičeze male .A neižne pedajanno ičeze elon i kandiš , varastab prihäd Änižen randal .
Siid vel'l' ei anda ka prihile oli sanunu pilščikile :
- Voined ka dätkat sizaren , mina teide taga andan mehele .
Prihäd pilščikad-se old'he pahad , a neižne-se oli hivä .
Kacuht’ ka ajetaze karablil koumel otmaha .
Kezarusttįš päiviš kargįideke ka , garmoniideke tuld'he randale .
Prihäd unineglaižed pand'he adivole , hän letkele siga i tropni magatta .
Siid nece ženih tuli , hippäst’ , noustab , pudištab , vedehe vöb .Hän ii nouze .
Ženih küzub :
- Eilä ohvot tulda vai ?
Nu , hänt dättihe , karabl'ad kät’he i lähttihe .
Hö vaise lähttihe , ka hän i küpsaht’ , neglaižed-se heittihe .
Hän i küzub i huikutab , vedehe mäb ...
Küzub :
- Völak suul'dihe tulda ?
Sanutaze prihäd :
- Suul'dihe koumel karablil tulda homen .
Möst tuloba , kuudel karablil tuloba , kezarusttįš päiviš , kargįideke , garmoniideke , paideke tuld'he randale .
Prihäd möst unineglaižed pand'he adivole , hän möst letkel venub .
Siid ženih hippäst’ , tuli , noustab , pudištab , vedehe vöb , hän ei nouze .
Ženih küzub :
- Eilä ohvot tulda vai ?
Hö hänt dättihe , karabl'ad kät’he i lähttihe .Prihäd neglaižed i heittihe .
Adiv küpsaht’ , küzub :
- D'o old'he ?
Sanutaze : «Old'he da i lähttihe ».
Hän huikutab , vedehe mäb ...
Küzub :
- Völak suul'dihe tulda ?
Sanutaze :
- Suul'dihe homen tulda ühccal karablil .
Möst tuloba ühccal karablil , kezarusttįš päiviš , kargįideke , garmoniideke .
Paideke tuld'he randale .
Prihäd möst unineglaižed pand'he adivole .
Hän möst letkel venub .
Ženih möst tulob , noustab , pudištab , vedehe vöb , hän ei nouze .
Möst hö lähtoba .
Prihäd unineglaižed i heittihe .
Adiv i küpsaht’ , küzub :
- D'o old'he ?
Sanutaze : «Old'he da i lähttihe ».
Hän läks’ , prostihe , kaiken elon tagaze kandiš i läks’ randad möto .
Sanub : «S'o ravno nenide taga mä en ».
Tuli d'ogud , d'ogudes oli hougi puutnu noraižihe .
Sanub :
- Nasten'ka , pästa mindei !Pästned , ka pahal aigal liinen hivä .
Hän hougen i päst’ .
Nuguni mäni , mäni , ka puutnu däniž mugažno noraižihe , sanub :
- Nasten'ka , pästa mindei , pästned , ka pahal aigal liinen hivä .
Hän dänišen i päst’ .
Mäni , mäni , ka tulob kondii , puutnu kläpcha .
- Pästa , - sanub , – Nasten'ka , mindei .
Nasten'ka sanub :
- Sina mindei söd .
Hän i sanub :
- En sö , koske en .
Hän i päst’ .
Mäni , mäni , ka tuli suur’ d'ogi , must , leved .
Seiži , seiži : «Mii pidab tehta ?»
Kacuht’ ka hougi i tuli , sanub :
- Nasten'ka , ištte milei i tabate šahlįiš .
Toižhe rahdha i vei .
Mäni , mäni , ka tuli so , eisa proitta , muga i uppotab .
Tuli däniž , sanub :
- Ištte , tabate korviš .
Hippi , hippi i toi kuivale male , päst’ hänt .
Kahtes bedas i päznu om .
Mäni , mäni , ka tuli kor’b tihed , käzi ei mülünu .
Tuli kondii , hänele kaiken lomai , tegi orgos tropan .
Hän i proidi .
Mäni , mäni , tuli pertiine , punoze .
Adiv i sanub :
- Päivhapei licom , a minuhupei pordhil .
Pertiine azotihe , ka hän i proidi pert'he .
Proidi vaise , božž ženihon i küzub :
- Kuspei oled da kenen oled ?
Hän i sanub :
- Tötuško , ed ehtnu sötta-d'otta , a küzud .
D'o nece ženih i tuli , hän nühaib i sanub :
- Božuško , reskan hengen duhh om .
(A adiv-se škapha peitnuze ).
Prihä se tuli ka i sanub :
- Reskan hengen duhh om silei .
Igaks žal’ liinob , adiv se hivä oli .
A božž-se i sanub :
- Ka tulnu om .
Prihä sanub :
- Kussai tulda ningomiš korbiš da d'ogiš ?
Božž sanub :
- Ka tulnu om .
Hän škapašpei i päst’ .
Adiv hippäst’ , tuli , hänenke risteiti tervehtihe .
Gostili božannu , ženihon male i lähttihe höbol , telegal .
Nasten'ka-nevest
вепсский
Северновепсский
«
«
-
-
-
-
-
-
-
-
-
-
-
-
-
-
-
-
-
-
-
-
-
-
-
Невеста Настенька
русский
–
–
–
–
–
–
–
–
–
–
–
–
–
–
–
–
–
–
–
–
–
(
–
–
–
–