Тексты
Вернуться к списку | редактировать | удалить | Создать новый | История изменений | Статистика | ? Помощь
Viikuško čapab sizarel käded
Viikuško čapab sizarel käded
вепсский
Северновепсский
Ende
eli uk i ak .
Ukol da akal oli poig da tütär .
Mam tegihe bol'nį .
Mam kucub ičezennu tütren i poigan i käskob :
- Üks’ kucuškaha čikuškoks , a toine – viikuškoks .
Čikuško da viikuško eletihe .
Viikuško sanub :
- Čikuško , oliž naida .
- Nei , nei , viikuško , ala ota vaise d'agi-baban tütärt mehele .
Nece läks’ viikuško naimha .
Mäb hot’ kuna , ka kaiktä oma d'agi-baban tütred .
Tuli viikuško i sanub čikuškole :
- Käiktä oma d'agi-baban tütred .
- Nu , ka , sanub , – ota , viikuško , ota .
Viikuško i ot’ d'agi-baban tütren .
Viikuško käub carin dvorcha radole .
Lähtob homesel radole ka küzub :
- Čikuško , mina läksin .
I ehtkoižel tulob ka sanub :
- Mina tulin , čikuško .
A akal ii küzu nimida .
Akale om paha .
Homesel mužik läks’ radole , a ak mänob i tanhal norembal lehmal pän čapab .
Tulob mužik ehtkoižel radolpei , nece ak i sanub :
- Znai čikuško hivä : parahimal lehmal pän čapįi .
Viikuško sanub :
- Nece viga prosttud .
Most toštpeal läks’ radole .
Se küzub čikuškol :
- Mina möst läksin radole .
Nece ak mäni , möst čapįi pän ubehel .
Tulob mužik ehtkoižel kodihe , ak žaloboičese :
- Znai silei čikuško , a parahimal ubehel pän čapii .
Viikuško otvetoičeb akale :
- Nece viga möst prosttud .
Läks’ mužik radole koumandel päival .
I möst küzub čikuškol , mise «mina läksin ».
Koumandel päival ak čapab pän ičeze priheižel .
Tulob ehtkoižel mužik i möst sanub :
- Mina tulin , čikuško .
Ak sanub :
- Znai silei čikuško da čikuško !
Mitte oli üks’ priheine da nece čikuško pän čapįi .
Viikuško sanub čikuškole mise :
- Mina enambad necida vigad en prosti .
Val'l'ast' viikuško hebon i ištut’ čikuškon regehe .
Nu , ajetihe edahaks .
Tuli kand , kandonnu necen hebon i azot’ .
- Paa (pane ), čikuško , pä kandole .
- Viikuško , ala čара päd , a čapa lučše milei käded .
Hänel viikuško i čapįi käded künambrusihesei .
Ištut’ möst čikuškon regehe i ajetaze edeleze .
Möst tuli kand .
- Čikuško , paa nakhu pä .
- Oi , viikuško , ala milei čapa päd , a čapa d'ougad .
Viikuško čapįi d'ougad pol'vhessei , sidei čikuškole paikan sil'mile , händast sihe dät’ .
Nece čikuško läks’ , mecad möto katiše .
Katihe , katihe i carin sadhusei katihe .
Carin sadus sei d'abloksideiid .
Homesel libub car’ , ka nägob : d'ablokad oma södud .
Toižel öl car’ pani karaul’maha vanhamban poigan .
Poig ii vįinu karaulda : uinon’ .
D'ablokad möst tuli [čikuška ] i sei i läks’ .
Homesel bat'aze tulob i küzub :
- Kut vardičid ?
- Embįinu vardita : uinzin . D'ablokad möst södud .
Selgit’ car’ keskmeižen poigan vardiihe .
Keskmeine poig ii vįinu vardita : möst uinoz' .
D'ablokad möst södhe .
Tuli bat'annu ka sanub :
- Embiinu vardita : uinzin .
Möst däblokad södud .
Car’ sanub koumandele , Van'uškale :
- Mää (mäne ) sina vardiihe i jesli vardičed , ka kaik carstvo sili .
Van'a vardič , vardič i vardič necen adivon .
Adiv i tuli d'ablokįd sömha .
Van'uša i küzub :
- Ken sina oled , nor’ vei ravaz liined ?
Mužikpol’ , ka otan velleks , a akpol’ , ka otan sizareks , a niižne liined ,
ka otan akaks .
Hän änen i andįi :
- Kuna mindei otad käzitoman i d'ougatoman akaks .
[Van'a ] sil'miš paikan riiči i ot’ akaks .
Ot’ sel'gha i kodihe händast kandįi .
Bat'aze hänele necen carstvon kaiken i andįi .
Van'uša läks’ carin dvorcid möto hätkeks ili vähaks .
Nece ak käzitįi i d'ougatįi rodi poigan : tukeižen kuudeižen , toižen hobedeižen .
Ougotihe kirdeižen Van'ušale .
Läks’ vömha kazak .
Kazak mäni , mäni i mäni d'agi-baban pert'he .
- Edahaksįd mäned ?
- Mänen , sanub , – Van'ušale kirdeižen vömha .
Ak poigan rodi , tukeižen kuudeižen , toižen hobedeižen .
Vön Vanüšale kirdeižen .
D'agi-baba sanub :
- Mäne kil'betihe .Väznu oled ka mäne houdmahaze .
Kazak läks’ kil'betihe i kirdeižen dät’ iknale .
D'agibab otab kirdeižen i ratkeidab .
I kirdit’ namesto kirdeižen Van'ušale , mise ak rodi koirkužun .
Vei kazak kirdeižen Van'ušale .
Van'uša aveiž kirdeižen , lugi , ka ak koirkužun rodnu .
Van'uša ratkeiž kirdeižen i vastha kirditab :
"Tagogat buč roudeižil vandhil i pangat händast bučhu i pästkat merhe ".
Tagotihe bučun , nu i necen akan lapsudenke pandhe bučhu i pästtihe merhe .
Buč kacaihe mert möto hätken vei vähän i tuli d'o randha , korskaškanz' peskale .
Priheine sanub mamale :
- Mama , oigendan d'ougeižed .
– Ala oigenda , völ süväl olem .
Pord kačaihe , ka buč tuli randha , enambad ii mäne nikuna .
Poig sanub :
- Mama , oigendan d'ougeižed .
Priheine d'ougeižed oigenz' , buč i muren’ .
Lähttihe bučuspei .
-Kuna , sanub mam , – mänem mö ?
Priheine sanub :
- Lähkam , mama , pakimaha .
Mama sanub :
- Kuna mö lähtem , čomad olem , ii ankoi miile milostinad čomile .
Priheine sanub :
- Voikamįi nogel .
Voidihe nogel i lähttihe .
Mänd'he carin dvorcha , kus ugoščaiže kaik carid .
Ištįiheze čugeižehe .
Carid küzutaze :
- Ken mahtab starinįižid sanuda ?
Käzitįi i d'ougatįi ak-se i sanub :
- Mina ühten se mahtan .
- Mahtad ka sanu .
– Ken vastustab ka koume päpolišt antta , mikš perebivaib .
Nece i zavodi sanuda ičeze elon proidindan :
- D'agibaban tütär rikįi ičeze lapsen , a väriti mindei .
A vel'l' vei mindei mecha i čapįi käded i d'ougad ...
D'agi-baban tütär i perebivaib :
- Iilä muga .
- Sanu edeleze .
– Bučhu old'he pandud , merhe old'he pästtud .
Buč kačaihe , tuli randha .
Priheine d'ougad oigenz' , i buč muren’ , nu i sigapei läksim i voidimei nogel .
Priheine , tukeine kuudeine , a toine hobedeine išttaze , hän , vel'l' , kudamb čapįi käded i d'ougab i ženih Van'a .
Van'a i vel'l' pezetet'he prihäšt’ i akad , i pertiš lujas hivä päiv paštaškanz .
Vel'l' val'l'ast’ ubehen tanhalpei i ičeze akan , kudamb čapli lehmad , hebod i ičeze lapsed , ot’ , sidįi ubehele händha .
Painįi ubehed kunutal .
Necil akal kuna döug däi sihe kouk , kuna käzi – sihe harav , kuna silm – sihe lähte , kuna perze – sihe so .
Nene zavottihe eläda i mina siga olin adiviiš i nägin kaiken .
Viikuško čapab sizarel käded
вепсский
Северновепсский
-
-
-
-
-
-
-
-
-
-
-
-
-
-
-
-
-
-
-
"
-
-
-
-
-
-
-
-
-
Брат отрубает руки у сестры
русский
–
–
–
–
–
–
–
–
–
–
–
–
–
–
–
–
–
–
–
"
–
–
–
–
–
–
–
–
–