Тексты
Вернуться к списку | редактировать | удалить | Создать новый | История изменений | Статистика | ? Помощь
Unekaz ak
Unekaz ak
вепсский
Средневепсский западный
Ende
oliba nored molodįjad .
Ak oli diki unekaz .
Oli süguz’ , liib uberida .
Mužik sanub :
- Elza , mäneske rahnmaha .
Elza nece män’ rahnmaha .
Rahnmaha män’ dei ii zavodi rahnda , magaz’ pejan .
Pejan magaz’ dei tuli kodhe .
Mužik küzub :
- Äjanįk rahnįid’ ?
– Rahnįin’ kaika , a läksin' , en lugend .
No , hüvä .
Toižuu pejuu möst mäni .
Män’ dei möst magadab , ii zavodi rahnda , möst pejan magaz’ .
Nu dei möst ehtou tul’ kod'he .Mužik küzub :
- Äjanįk , Elza , rahnįid' ?»
– A rahnįi'n , sanub , – pejan , a läksin' , en lugend .
Kuumanduu pejou möst oigenz’ rahnmaha .
Nece män’ , Elza , dei möst panihez .
Panihez dei magadab , ii riža nimida .
A mužik sanub :
- Mända uberimha snapįid , kaks’ pejad jo rahnįi ka .»
Mäni ka Elza magadab .
Nece mužik roudad oti i pän keriči .
Pän keriči i läks’ kodhe .
Elza heraštihez .Elza heraštihez , nuuzi , ka pä keritut .
- Ka entä Elza olen vei en Elza ?
Užo mänen kodihe , ka kodiš Elza om , ka mina en Elza .
Kodhe tuli .
Kodhe tuli , ka kodiš Elzad ele .
- Značit mina Elza olen .
No hüvä .
Nastupi tal'v .
Mužik podr'adįičeb , mecan vedab , podr'adįičeb , a hän kodiš .
Nimida ii kehta rata , kaika madadab .
Ii kehta rata .
Mužik tulob , ka sanub :
- Ka hot’ sina midani se radneižid' .
- Mina , sanub , – mecaspei tulen , ka kaik sijad tari ičelein' rata , ka vett ka i sidä sina et to ,- sanub .
- A hüvä , sanub ak , – mina homen mänen podr'adaha , a sina jä kodihe , kodiš om radod äi .
Mužik jäi kodhe , hän ajoi podr'adaha .
Mužik taignan segoit’ , liibäd paštoi , lavad pezi , živatad kacįi , külbetin lämbit’ .
Elza tuli .
- Oi , surdįin' , surdįin' .
Kül'metunu tuli , vilu ol’ .
- Surdįid' , ka homen ole sina kodiš , a mina ajan podr'adaha , a sina tol'ko lämbita kül'bet i kül'betihe kaiva dorogeine .
No Elza , ii mida tehta , kül'betin' lämbit’ .
A kül'bet’ oli horošijan edahan .
Kül'betin' lämbiti , dorogeižen lumespei kaivįi .
I mužik tul’ mecaspei .
- Lämbitid' külb'etin' ?
– Lämbitin' .
– Čistid' dorogeižen ?
– Čistin' .
– Nu , astkam kül'betihe .
Kül'betihe mäniba , pezihezoiš .
A mužikou ottud kunut kü'lmeteses .
Mužik Elzad kunutou :
- Vot , tari ninga rata : tariž liibäd paštta , tariž živatad kacta , tariž i külbet’ lämbitada , tariž i lava pesta , tariž i taineine kezerta , a ii kaika magata !
Unekaz ak
вепсский
Средневепсский западный
-
-
-
-
-
-
Сонливая жена
русский
–
–
–
–
-
-
–
-
–