Тексты
Вернуться к списку | редактировать | удалить | Создать новый | История изменений | Статистика | ? Помощь
Prost vävü
Prost vävü
вепсский
Средневепсский западный
Ende
ol’ prost mužik vävü .
Nainu hän ol’ edahan .
Astub adiveihe anopehe i aphe .
Tuli aphe adiveihe , anop tegi touknad .
Touknad tegi , vävun ištut’ sömhä .
Vävü süiž ka vareidab : söb ka kar tegese , vareidab , anop sanub ,
mise äjän seid' .
Ii rohtnu i söda , muga i kodhe tuli .
Tataze küzub :
- Nu , anopiiž adivoičetiba ?
– Muga adivoičetiba : tegi magedad touknad , da en rohtind söda ,
sön ka kar tegese .
– Oi sina , prost , tariž ol’ söd ka segoitada ka toukun libub , möst tegese sel'gäšti .
– Söda uduu kerdou .
Nedal’ proidi dei hän möst ajab adiveihe .
Anopennust tuli da apennust .
Ap da anop vasttiba .
Möst adivoičetiba , i anop pani kislid .
Hän väheižen süi dei nägeb , mise poleneb dei kislin segoiti .
A anop nägi dei sanub :
- Vävü , vet’ kislid ii segoitelgoi .
Hän stolantagoupei läks’ dei tuli kod'he , küzub tat :
- Nu , kut adivoičetiba ?
– Adivoičetiba čomin' , da kislin' segoitin' da anop sanįi , mise kislid' ii segoitelgoi .
– Hüvä , mänod uduu kerdou , ka ala rada ninga .
Nedal’ – toine proidi dei hän möst adivoihe ajab .
Edahan oli , ka tuli homencel aigoiš tuli .
Anop kürzad paštab .
- Ištte , vävü , kürzid sömhä .
- Išttas , požalui , dorogaspei , ka zahotin' söda-se da !
Ištįihe , kürzid’ söb .
A anop pani sen’t .
Hän muga napiraib söb , muga hänel apetit .
- Nu , anop , silai čirud , ka čirud .
– Ka , vävü , ii čirud ole , a sen’ .
– Nu , sen’ ka sen’ , a mina dumein' : čirud .
Nu i ladno .
Süi dei aji kod'he .
- Nu , kut beregoičiba ?
– Beregoičiba ani čomin' , nu mina dumein' mise oma čirud , a oli sen’ .
– Hüvä , uduu kerdou mäned , ka ala ninga rada , a čomašti kacu , muja da eskei sanu anopele , nece tat-se sanub .
Hüvä , mända udes möst adivįihe .
Vuu kerdan adivįihe aji .
Adivįihe tuli sobatan ehtou .
Anop ezmäi ii adivoičend , a pan’ kül'betin’ lämhä .
Kül’betin lämhä pan’ , dei külbet’ palaškanz .
Nece iknaspei kacub vävü dei sanub :
- Anop , külbet’ se palab .
– Palab , ka palamaha om pandud .
Möst ištį , ištį vävü :
- Anop , külbet’ palab .
– Palab , ka palamaha om pandud .
No , okha .
Anop kaika sigä radab , užnan tegeb .
- Anop , a külbet’ palab .
– «Palab , ka palamaha om pandud .»
- No , mända hougod toda ,- anop pagižeb .
Anop hougod tomha män’ , a vävül necil’ kromeine liibäd ottud , anop hougho männu , a vävü söb neciš kromašt’ , söda zahoti ka .
A lumeškanz' , diki äjou lumen paneškanz' .
A anop siižub pordhil' hougonke dei sanub :
- Nu i huttib ka huttib .
– A hutiin’ ka ičiin' kromašt’ .
Anop-se sanub , mise lunt-se paneb , a hän dumeib , mise vävüle sanub : huttib ka huttib .
Prost vävü
вепсский
Средневепсский западный
-
-
-
-
-
-
Глуповатый зять
русский
–
–
–
–
–
–