Тексты
Вернуться к списку | редактировать | удалить | Создать новый | История изменений | Статистика | ? Помощь
Savesine Van’ka
Savesine Van’ka
вепсский
Средневепсский восточный
Elotihe ukoine
da akaine .
Tegihezoi vanhad .
Staruhaine pagižeb , ištub da kezordab , kožliižou loučas ištub .
Ukoine länguded kohtendab .
- Uk , kut-žo mö nügude elaškam-se ?
Iče mö-se vanhtuim , sötkid-ne mijou iile , poigad iile , iile tütärt , mida mö söškam ?
- Davai , staruh , kaigam saved , tehkam savesine Van’ka .
Saved kaiviba , pekstihe , Van’kan tehtihe savespäi , pandihe päčhe kuimaha .
Van’ka sigau hotkas kuiv' dai pagižeb :
- Tatoi , mamoi , avaikat , mina g'o kuivin .
Tatoi , mamoi aveitihe .
Van’ka läks’ päčispäi :
- Ankat söda !
A söda oli vähäine , Van’kale anttihe , enamba söda iimida .
- Van’kaine , enamba söda mijou iile .
– Iile , ka mina tiid sön .
Kožliižen s'ui , starahan s'ui , länguded ukoižuu s'ui , ukoižen s'ui .
Läks’ deruun'aha astmaha : vüu söda tahtoib .
Tul'dihe d'oočk'ad vastha , asttas logolo haravoidme .
- D'oočk'ad , mina tiid’ sön .
Mamtain' s'uin' , tattain' s'uin' , nügut tiit'-ki sön .
– Ka ala sö .
Hän kaikid' nenid’ d'oočkid s'ui .
Vähäižen asttihe .
Tul'dhe prihäd vastha .
- Kuna , prihäd , läksit' ?
– Radolo .
– Mina tiid' sön .
Tattain' s'uin' , mamtain s'uin' , d'oočkid' s'uin' , tii'-tki sön .
Oi , sina bröngvac , prihid s'ui .
Asttihe möstona .
Tul'dhe akad vastha , lituukoidme .
- Akad , mina tiid' sön .
Tattain' s'uin' , mamtai'n s'uin' , d'oočkid' s'uin' , prihid s'uin' , tiit'-ki sön .
Oi sina bröngvac , kaikid s'ui .
Asttas möst mužikad gäl'ghe akoile lituukoime .
- Mužikad , kuna läksit' ?
– Niitmaha .
– Siiškat väheine , mina tiid' sön .
– Ka mihe sina miid' söd ?
– Mina söda tahtoin' .
Tattain' s'uin' , mamtain' s'uin' , akoid' s'uin' , d'oočkid' s'uin' , prihid s'uin' , tiit'-ki sön .
Oi , sina bröngvac !
Kaikid' mužikoid' s'ui .
Astub koza .
Savine Van’ka astub vastha .
- Koza , mina sindai sön .
– Nu , söd ka sö .
– Mina kaikid' s'uin' .
Sanui möst , keda s'ui .
- Nu , sina seižu mägen au , a mina prämo ... sina aveida su ...Sineiž suhu g'okson , – koza pagižeb .
Van’ka sun avaiž , käded levit’ , seižub .
Koza g'oks’ , g'oks’ , da ku vacha paig'aiž karahtoitta sarvil' .
Nece savesine Van’ka kaik muren’ , savikogoks mäni-ki .
A koza gäi .
Enambad gäl'ghe sida saves Van’koid ii tehkoi , siičas tol'ko päčid' , päčin'pohg'ad .
Kaik .
Savesine Van’ka
вепсский
Средневепсский восточный
-
-
Глиняный Ванька
русский
–
–
–