Тексты
Вернуться к списку | редактировать | удалить | Создать новый | Статистика | ? Помощь
Tuttavundu
Tuttavundu
карельский: ливвиковское наречие
Коткозерский
Nuorižot
tunnustutah toine toižen kele pruazniekkoin : talvel bes’odas , kezäl kižois .Himoittau tytöl kudaman brihan kele tuttavus luadie i mielištiä , häi työndäy toižen tytön brihalluo i kuččuu puarah .Ollou brihale tyttö mieldy myö , sit menöy puarah , a ei olle – toiželluo menöy .Yhty brihua kučutah puolikymmen tyttyö .
Brihan vanhembat kačotah , keh työndiä ženihäkse (ženihöi toko ei omal nimel sanottu , sanotah "šittunenäkse ", štobi ei virtyttiä da dieluo sportie ).Vähä konzu kyzytäh poijal , ongo mieldy myö andilas .
Brihat i neidižet lähembäči tunnustuttih toine toižen kele konzu kusgi .Kezäl oli äijy pruazneikkua , kezäkižua .Syvyspuoleh vai proidii linnas suuri pruazneikku (8.09), tytöt palkattih bes’oduperti mittumalluogi leskellyö yksinäžellyö (Rubl’u d’engua annettih emändäle , a ken vedi i kartohkua , ken pelvastu , ken midä liišitti ).Palkattih Äijähpäivässäh .Palku maksettih talves , iče tuodih čerodah karasinat , a ennepäi päriet (Pertis oli čikku , čikas paloi päre , a sen al oli proutivo hiilih niškoi ).Poltettih i tuohustu .Kerävyttih kolme kerdua nedälis : toššarren , nellänpiän i pyhänpiän .Nedälil ainos oli ruado keräl . Loppuruohtindu kuožalis , eiga olgie tukku plet’oškakse .Ehtät tytöt huolitetah kezrätä , a briha , kudai mielištäy tyttyö , kuožalin rinnal ištuu da valvattau , pagižuttau .Puaksuh loppuh i tuli pannah : teriämbi tyttö piäzöy kezriämižes .Sitgi jo ištutaheze puarah i kukin laulussah ištutah .Bes’odan emändy puarois keriäy d’engat .Toižis hierulois brihat käydih pyhinpäivin .
(Bes’odois oli moudu ozuttua tabua . Ezmäine manieri oli lampan murendandu libo tuohuksien sammutandu .Sammatuksel Moisin Kat’as yheksä lampua podr’ad murendettih .Lampu pidi tyttölöil ostua .Konzu ku eulluh kus ostua , sit kai tahtastu pandih lampan pohjah da bl’udečkal lampua piettih ).
A vie kerättih ad’vot pyhäkeskes .Joga tyttö tuou kaksi-kolme tyttyö i gul’aijah kaksi päiviä .Sit tulou i vakkibrihua .Tunnustah tyttö brihan kele i algau briha kävvä tytöllyö .Mielištetäh toine toštu i dielo roih svuad’bah päi .
Sygyzyl i talvel brihat kunne kačottih , sinne i bes’odah mendih , a keviäl bes’odoi myöte ei ole aigua kävellä .Puaksuh oli i muga : tuli brihale mieleh kozita tyttö , a tytöl oli toine briha , ga häi ei otkuažinnuh kerras : anna tullah koziččemah , mene en , a lembi nouzou .
Oli i muga : vuozin ainos yhtes oldih , a briha naibi muijal , sit sanotah : tytöl riihi palau , pidäy sammuttua .Tyttö käsköy sit kehittiä libo leskele , libo niistiele , libo lykkymieleližele .Muga hänen i igä menöy mielipuolehižen kele eläjes .
Puaksuh bohatat tytön vanhembat i brihale "pullo " annetah .Erähät vanhembat ei tahtota ni naittua , ni miehele andua omas hierus .Sanotah : "Susiedan kaimuat , a rodn’ua et näi .Loittožet kellot kuulužat ollah , sinne sulhažikse lähtietäh ".
Tuttavundu
карельский: ливвиковское наречие
Коткозерский