Тексты
Вернуться к списку | редактировать | удалить | Создать новый | Статистика | ? Помощь
L’ubov’ Baltazar. Susiedat
L’ubov’ Baltazar
Susiedat
карельский: ливвиковское наречие
Новописьменный ливвиковский
Harvas
koispäi kolme lastu ,
Viizi enimyttäh
Mättähäle joga päiviä
Kižah kerävyttih .
Mängyndiä dai nagruo
Kaikin kuulta suadih ,
Meile mustoh aijat
Net parahinnu jiädih .
Kuluttihgo kuatančat ,
Riiččavuttih alazet ,
Toiči talvisovispäi
Revittihgi palazet .
Sentäh kois ei čakattu ,
Älä virka perretty ,
Šiiloi ylen harvazeh
Kosketteli perzetty .
Sukset hätken kestettih ,
Niilöi illoil voijimmo ,
Lämmyttiä maltoimmo ,
Yökse kuivah nostimmo .
Illas pidi arvata ,
Roihgo päiväl pakkaine ,
Märgy lumi pohjih huomei
Eigo rubie tartumah .
Mäis alah čuraimmo
Sellälleh dai bokalleh ,
Emmogo ni itkenyh ,
Emmogo ni torannuh .
Peittozil dai lumoizil
Päivät pihas telmimmö ,
Konzu syömäh kučuttih ,
Vaste kižat heitimmö .
Regyöt oldih puuhizet ,
Nahkahizet nuorazet ,
Juvvat , staučat savizet ,
Suoluvakat tuohizet .
Rugehiine leiby ,
Kalaliemi sagei ,
Puaksuh kuului – sagei
Ongi "köyhän magei ".
Liigua emmo kyzynyh ,
Emmogo ni tiedänyh ,
Lienne den’gua pyzynyh ,
Abuu emmo kieldänyh .
Kielastua da varrastua
Hädiä meile ei olluh ,
Susiedoinke viego ken
Nenga hyvin elänyh .
Susiedat
карельский: ливвиковское наречие
Новописьменный ливвиковский