Тексты
Вернуться к списку | редактировать | удалить | Создать новый | Статистика | ? Помощь
Oleg Mošnikov. Läžundkodiš om sebranik, läz...
Oleg Mošnikov
Läžundkodiš om sebranik, läz...
вепсский
Младописьменный вепсский
Läžundkodiš
om sebranik , läz ,
minei zvonib :"Kac , löuttihe vigan ...
Toivon – hätken ei pidägoi lekarid täs ,
nägemoiš sinunke , sebranik , pigai ".
Küksmaha hillüt sid’ kida ei voi ,
tahtoižin pölusen agjad hot’koskta ...
Sebranik uinzi , Jumal unt hälle toi ,
neciš unespäi ei voi jo nousta .
Mikš hän külähä lähtend-se ei ?
Mamoi varasti , tusk mamad sebaz’ ...
No südäimen kibu kaik väged jo vei ,
polttud vägi ol’ ...Mamoi kut tezi .
Saubatud sil’mäd , i hengituz — ven …
Sid’ lekarin vägi jo enamb ei rada ...
I taivhaze lendab täs surmatoi heng ,
käded-suugad om ristati pandud .
Kolnuden edes om taivhaze te ...
Eläškab mušt , ken jo Sündunnoks mäni .
Kolnuden runod , kaik vaihed-ki ned –
igähišt muštod niil vaihil hän pani .
Vepsläižeks klassikaks tehnus hän jo ,
Ojatin poig , hän om Vepsän mal tutab ...
Hänennoks südäimel lähenem mö ,
hänen kirj konz sid’ kädehe putub .
Läžundkodiš om sebranik, läz...
вепсский
Младописьменный вепсский