Тексты
Вернуться к списку
| редактировать | удалить | Создать новый
| Статистика
| ? Помощь
Nina Zaiceva.
Edahaine tähtaz
Nina Zaiceva
Edahaine tähtaz
вепсский
Младописьменный вепсский
Edahaine tähtaz
korktas taivhas palab.
Südäimele - ahtaz,
öhut, tule ala!
Tahtoi en mä unid
armhan polhe nähta,
unohtand en kuni,
olim kut mö kahten.
Ö ei kundle mindai,
hilläs pästab suugad,
minunke om rindal,
madme se jo puugeb.
Uni sanub sarnoid,
puhub uniahav...
Südäin sulab arni
kuti tohuzvaha.
Minun tuskid viluid
uni tahtoib küksta...
Vaiše elos siloi
jän mä igäks üksnäin.
