Тексты
Вернуться к списку | редактировать | удалить | Создать новый | Статистика | ? Помощь
Nina Zaiceva. Kirjav elo
Nina Zaiceva
Kirjav elo
вепсский
Младописьменный вепсский
Kaste
homencel , hoštai i vilu ,
mujukibinoin langeni tele ...
Pähä iškihe meletuz siloi :
mugoi kirjav om ristitun elo .
Eglai - kündled , a tämbei jo - ilo ,
homen - pimed , ei nägu nimidä .
Konz -se sumegel ajab i vilu ,
vaiše homaiče ed sinä sidä .
Londuz voikab , a südäimes - sel'ged ,
nece armastuz hoštab kut lämoi ...
Elo maksab kaik ičeze velgad :
vaktad samei i mustad mö samei .
Ken -se meletab - oza om väges ,
taivaz - sinine , päiväine - kaiktä .
llos nagrab , i paksus ei näge :
opal - sires jo , varastab vaikti .
Elo kirjav om , necen mö tedam ,
vaiše sil'mišpäi peittud om tozi :
mitte päiv meile kibedad vedab ,
mitte ilod tob , ihastust , ozad .
Kirjav elo
вепсский
Младописьменный вепсский