Тексты
Вернуться к списку
| редактировать | удалить | Создать новый
| Статистика
| ? Помощь
Nina Zaiceva.
Lehmän holed (iloruno)
Nina Zaiceva
Lehmän holed (iloruno)
вепсский
Младописьменный вепсский
Kündusel mö ištuim
nellän:
Minä, sizar, kaži, vellüt.
Iknaha lehm kacuhti,
Pehmdoil hulil
märehti.
Kacuhtim mö lehmän
päle:
Sizar:
- Lujas oled, lehm, sä jalo.
Kuna nügüd' sinä astud?
Linneb vihm, sä lujas
kastud.
Lehm:
- Läksin minä oiktale.
Sizar:
- Mikš sä läksid
oiktale?
Lehm:
- Sikš mä läksin
oiktale,
Randaižele korktale:
Verez heinüt sigä kazvab,
Ližadab se maidho razvad.
Kaži:
- Kuna möhemba sä lähted, Midä völ-se sinä tahtoid?
Lehm:
- Lähten minä hurale.
Kaži:
- Mikš sä lähted hurale?
Lehm:
- Sikš mä lähten hurale,
Normudele surele:
Sigä kazvab imič maged,
Duhukaz i lujas saged.
Vellüt:
- Nu a möhemba min teged,
Kuna oigendad sä väged?
Lehm:
- Lähten minä järvele.
Vellüt:
- Mikš sä lähted järvele?
Lehm:
- Sikš mä lähten järvele:
Andan lebud sarvile,
Udarele andan lebud
Järven randal seištas kegod:
Venun niiden kuvahaižes,
mä vedut järven lainhiš.
Minä:
Kuna möhemba sä
lähted?
Ed-ik ota meid, hot' kahten?
Lehm:
- Lüpsaid lähten ecmaha.
Mina:
- Mikš heid lähted ecmaha?
Lehm:
Sikš mä lähten ecmaha,
Kaiktä ümbri kacmaha:
Tahtoin lahjan tehta teile.
Midä ehtal jod sä, vellüt?
Navedit tö joda maidod!
Otkat ehtal padad täuded.
